Kochi Flower Show Halted: Safety Concerns Arise After Accident

കൊച്ചി മറൈൻ ഡ്രൈവിൽ നടന്നുകൊണ്ടിരുന്ന ഫ്ലവർ ഷോ അപ്രതീക്ഷിതമായി നിർത്തിവെച്ചു. കോർപ്പറേഷൻ സ്റ്റോപ്പ് മെമോ നൽകിയിട്ടും പരിപാടി തുടരുന്നതായി ട്വന്റി ഫോർ വാർത്ത റിപ്പോർട്ട് ചെയ്തതിനു പിന്നാലെയാണ് ജില്ലാ കളക്ടർ ഇടപെട്ട് ഫ്ലവർ ഷോ നിർത്തിവെച്ചത്. എറണാകുളം ജില്ല അഗ്രി-ഹോർട്ടിക്കൾച്ചർ സൊസൈറ്റിയും ജിസിഡിഎയും സംയുക്തമായി സംഘടിപ്പിച്ച ഈ പുഷ്പമേള കഴിഞ്ഞ ഒരാഴ്ചയായി മറൈൻ ഡ്രൈവിൽ നടന്നുവരികയായിരുന്നു.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

എന്നാൽ ഇന്നലെ രാത്രി പരിപാടി കാണാനെത്തിയ ഒരു വീട്ടമ്മയ്ക്ക് അപകടം സംഭവിച്ചു. കെട്ടുറപ്പില്ലാത്ത പ്ലാറ്റ്ഫോം തകർന്നുവീണ് വീട്ടമ്മയുടെ കൈ ഒടിഞ്ഞു. ഈ സംഭവത്തെ തുടർന്ന് കൊച്ചി കോർപ്പറേഷൻ നടത്തിയ പരിശോധനയിൽ പരിപാടി നടക്കുന്നത് അപകടകരമായ സാഹചര്യത്തിലാണെന്ന് കണ്ടെത്തി.

കോർപ്പറേഷൻ സ്റ്റോപ്പ് മെമോ നൽകിയിട്ടും പരിപാടി തുടർന്നതോടെയാണ് ജില്ലാ കളക്ടർ ഇടപെട്ടത്. ടിക്കറ്റ് നിരക്ക് ഈടാക്കി നടത്തുന്ന പരിപാടികൾക്ക് ആവശ്യമായ പിപിആർ ലൈസൻസ് സംഘാടകർ നേടിയിട്ടില്ലെന്നും വ്യക്തമായി. പവിലിയനിൽ വെള്ളം കെട്ടി ചെളി നിറഞ്ഞു കിടക്കുന്നതിനാൽ, ഷോ കാണാൻ എത്തുന്നവർക്ക് നടക്കാനായി പവിലിയനിലാകെ പ്ലൈവുഡ് നിരത്തിയിരുന്നു.

‘കളങ്കാവൽ’ ധീരമായ പരീക്ഷണം; മമ്മൂട്ടിയെ പ്രശംസിച്ച് മന്ത്രി വി. ശിവൻകുട്ടി

അപകടത്തിൽപ്പെട്ട ബിന്ദു എന്ന വീട്ടമ്മ എറണാകുളത്തെ സ്വകാര്യ ആശുപത്രിയിൽ ചികിത്സയിലാണ്. സംഭവത്തിൽ ജില്ലാ കളക്ടർക്കും ജിസിഡിഎ സെക്രട്ടറിക്കും കുടുംബം പരാതി നൽകിയിട്ടുണ്ട്.

Story Highlights: Kochi flower show halted after visitor accident and safety concerns

മോഷണം നടത്താനെത്തിയ നാഗാലാൻഡ് സ്വദേശിയെ പിടികൂടി അതിഥി തൊഴിലാളികൾ