കെ കെ ശൈലജ പി വി അൻവറിന്റെ ആരോപണങ്ങൾ നിരസിച്ചു. തെരഞ്ഞെടുപ്പിൽ തന്നെ തോൽപ്പിച്ചത് പാർട്ടിയാണെന്ന അൻവറിന്റെ ആരോപണം അടിസ്ഥാനരഹിതമാണെന്ന് ശൈലജ പറഞ്ഞു. തെരഞ്ഞെടുപ്പ് ഫലം പാർട്ടി വിശകലനം ചെയ്തിരുന്നുവെന്നും, പാർട്ടിക്കാരാണ് പരാജയത്തിന് കാരണമെന്ന് എവിടെയും വിലയിരുത്തിയിട്ടില്ലെന്നും അവർ വ്യക്തമാക്കി.
പാർലമെന്റ് തെരഞ്ഞെടുപ്പിൽ ബിജെപി വരാതിരിക്കാൻ കോൺഗ്രസിന് വോട്ട് ചെയ്യുന്നുവെന്ന് വിലയിരുത്തിയിട്ടുണ്ടെന്ന് ശൈലജ പറഞ്ഞു. അൻവറിന്റെ ആരോപണങ്ങൾക്ക് യാതൊരു പ്രസക്തിയുമില്ലെന്നും അവർ കൂട്ടിച്ചേർത്തു. പാർട്ടിക്ക് പ്രയാസമുണ്ടാകുമ്പോൾ അണികൾ സജീവമാവുക എന്നത് സാധാരണമായ കാര്യമാണെന്നും ശൈലജ വിശദീകരിച്ചു.
അൻവറിന്റെ കയ്യും കാലും വെട്ടണമെന്ന കൊലവിളി പ്രസംഗം കേട്ടിട്ടില്ലെന്നും, കേൾക്കാത്ത കാര്യത്തിൽ അഭിപ്രായം പറയാനില്ലെന്നും ശൈലജ വ്യക്തമാക്കി. നേരത്തെ, വടകരയിൽ എൽഡിഎഫ് സ്ഥാനാർത്ഥിയായ ശൈലജ പരാജയപ്പെട്ടത് ജനങ്ങൾക്കിടയിൽ പാർട്ടി വിരോധം കൂടിയതിനാലാണെന്ന് അൻവർ ആരോപിച്ചിരുന്നു. അണികൾ ഉൾപ്പെടെ പാർട്ടിക്കെതിരെ തിരിഞ്ഞുവെന്നും, മുഖ്യമന്ത്രിയുടെ മണ്ഡലമായ പിണറായിയിൽ ഉൾപ്പെടെ വോട്ട് മറിഞ്ഞെന്നും അൻവർ പറഞ്ഞിരുന്നു.
Story Highlights: KK Shailaja refutes PV Anwar’s allegations about party’s role in her election defeat
