NEET Mock Test from May 3rd for KITE Entrance Coaching

കേരളത്തിലെ പൊതുവിദ്യാഭ്യാസ വകുപ്പിന് കീഴിലുള്ള കൈറ്റ് നടത്തുന്ന കീ ടു എൻട്രൻസ് പരിശീലന പരിപാടിയുടെ ഭാഗമായി നീറ്റ് (NEET) പരീക്ഷയ്ക്ക് തയ്യാറെടുക്കുന്ന വിദ്യാർത്ഥികൾക്ക് മെയ് 3 മുതൽ മോക് ടെസ്റ്റിൽ പങ്കെടുക്കാം. entrance.kite.kerala.gov.in എന്ന വെബ്സൈറ്റിൽ രജിസ്റ്റർ ചെയ്തിട്ടുള്ളവർക്കാണ് ഈ അവസരം. ടെസ്റ്റിന്റെ ദൈർഘ്യം മൂന്ന് മണിക്കൂറാണ്. വിദ്യാർത്ഥികൾക്ക് സൗകര്യപ്രദമായ സമയത്ത് പരീക്ഷ എഴുതാവുന്നതാണ്.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

\n\nനീറ്റ് (NEET) പരീക്ഷയുടെ മാതൃകയിലാണ് മോക് ടെസ്റ്റിലെ ചോദ്യങ്ങൾ തയ്യാറാക്കിയിരിക്കുന്നത്. പരീക്ഷ എഴുത്തിന് തയ്യാറെടുക്കുന്നതിനും സ്വയം വിലയിരുത്തുന്നതിനും ഈ മോക് ടെസ്റ്റ് സഹായിക്കും. കൈറ്റ് വിക്ടേഴ്സ് ചാനലിലും യൂടൂബിലുമായി കഴിഞ്ഞ അഞ്ച് മാസമായി നടന്നുവരുന്ന ക്ലാസുകളുടെ അടിസ്ഥാനത്തിലാണ് മോക് ടെസ്റ്റ് തയ്യാറാക്കിയിരിക്കുന്നത്.

\n\nentrance.kite.kerala.gov.in എന്ന പോർട്ടലിൽ ലോഗിൻ ചെയ്ത് ‘എക്സാം’ എന്ന വിഭാഗത്തിൽ ‘മോക് / മോഡൽ പരീക്ഷ’ ക്ലിക്ക് ചെയ്താൽ പരീക്ഷയിൽ പങ്കെടുക്കാം. ഏകദേശം 350 വീഡിയോ ക്ലാസുകൾ ഇതിനോടകം സംപ്രേക്ഷണം ചെയ്തിട്ടുണ്ട്. ഈ വീഡിയോകളും പോർട്ടലിൽ ലഭ്യമാണ്.

\n\nനിലവിൽ 52020 വിദ്യാർത്ഥികൾ കീ ടു എൻട്രൻസ് പരിശീലനത്തിന് രജിസ്റ്റർ ചെയ്തിട്ടുണ്ട്. പുതുതായി രജിസ്റ്റർ ചെയ്യുന്ന സർക്കാർ, എയ്ഡഡ് സ്കൂളുകളിലെ കുട്ടികൾക്കും മോക് ടെസ്റ്റിൽ പങ്കെടുക്കാൻ അവസരം നൽകുമെന്ന് കൈറ്റ് സി.ഇ.ഒ. കെ. അൻവർ സാദത്ത് അറിയിച്ചു. ഓരോ യൂണിറ്റിനും ശേഷം ആവശ്യാനുസരണം ടെസ്റ്റുകൾ എഴുതാനുള്ള സൗകര്യം നേരത്തെ ഒരുക്കിയിരുന്നു.

ആലപ്പുഴ ഹൈബ്രിഡ് കഞ്ചാവ് കേസ്: പ്രതികളുടെ ജാമ്യാപേക്ഷ തള്ളി

\n\nഎല്ലാ യൂണിറ്റുകളും ഉൾപ്പെടുത്തിയാണ് നിലവിൽ എൻജിനിയറിങ് മോഡൽ പരീക്ഷ നടത്തുന്നത്. സി.ഇ.യു.റ്റി. മോഡൽ പരീക്ഷ പിന്നീട് നടത്തും. മോക് ടെസ്റ്റിന്റെ വിശദമായ വിവരങ്ങൾ അടങ്ങിയ സർക്കുലർ പോർട്ടലിൽ ലഭ്യമാണ്.

Story Highlights: KITE offers free NEET mock tests for registered students starting May 3rd.

കൊല്ലത്ത് തെരുവുനായയുടെ കടിയേറ്റ കുട്ടി ഗുരുതരാവസ്ഥയിൽ; വാക്സിൻ എടുത്തിട്ടും പേവിഷബാധ