Kerala Yellow Alert: Heavy Rain and Thunderstorms Expected in 7 Districts

സംസ്ഥാനത്ത് ശക്തമായ മഴയുടെ പശ്ചാത്തലത്തില് കേരളത്തിലെ ഏഴ് ജില്ലകളില് യെല്ലോ അലര്ട്ട് പ്രഖ്യാപിച്ചിരിക്കുകയാണ്. തിരുവനന്തപുരം, പത്തനംതിട്ട, ആലപ്പുഴ, കോട്ടയം, ഇടുക്കി, കോഴിക്കോട്, വയനാട് എന്നീ ജില്ലകളിലാണ് യെല്ലോ അലര്ട്ട് നല്കിയിരിക്കുന്നത്. ഇടുക്കിയില് മുന്പ് യെല്ലോ അലേര്ട്ട് നല്കിയിരുന്നില്ല എന്നത് ശ്രദ്ധേയമാണ്. നാളെയും പത്തനംതിട്ട, ആലപ്പുഴ, എറണാകുളം, കോഴിക്കോട്, വയനാട് ജില്ലകളില് യെല്ലോ മുന്നറിയിപ്പ് തുടരും.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

മലയോര മേഖലകളില് ഇന്ന് മഴ കനത്തേക്കുമെന്നാണ് പ്രവചനം. മഴക്കൊപ്പം ഇടിമിന്നലിനും സാധ്യതയുള്ളതിനാല് പൊതുജനങ്ങള് ജാഗ്രത പാലിക്കേണ്ടതുണ്ട്. അടുത്ത മൂന്ന് മണിക്കൂറില് തിരുവനന്തപുരം, കോട്ടയം, ഇടുക്കി, എറണാകുളം, തൃശൂര്, കോഴിക്കോട് ജില്ലകളില് ഒറ്റപ്പെട്ടയിടങ്ങളില് ഇടിമിന്നലോടു കൂടിയ ഇടത്തരം മഴയ്ക്കും മണിക്കൂറില് 40 കിലോമീറ്ററില് താഴെ വരെ വേഗതയില് ശക്തമായ കാറ്റിനും സാധ്യതയുണ്ട്.

ഇടിമിന്നലിന്റെ സാഹചര്യത്തില് ജനങ്ങള് സ്വീകരിക്കേണ്ട മുന്കരുതലുകള് അധികൃതര് നിര്ദ്ദേശിച്ചിട്ടുണ്ട്. ഇടിമിന്നലിന്റെ ആദ്യ ലക്ഷണം കണ്ടാല് ഉടന് സുരക്ഷിതമായ കെട്ടിടത്തിനുള്ളിലേക്ക് മാറണം. തുറസായ സ്ഥലങ്ങളില് തുടരുന്നത് അപകടകരമാണ്. ശക്തമായ കാറ്റിനും ഇടിമിന്നലിനും സാധ്യതയുള്ള സമയത്ത് ജനലും വാതിലും അടച്ചിടുകയും, വൈദ്യുതോപകരണങ്ങളുടെ ബന്ധം വിഛേദിക്കുകയും വേണം. ഇടിമിന്നലുള്ള സമയത്ത് ടെലിഫോണ് ഉപയോഗം ഒഴിവാക്കണമെങ്കിലും മൊബൈല് ഫോണ് ഉപയോഗിക്കുന്നതില് കുഴപ്പമില്ല.