Kerala Transport Dept Withdraws Auto Sticker Order After Union Talks

ഓട്ടോറിക്ഷകളിൽ മീറ്റർ പ്രവർത്തിപ്പിച്ചില്ലെങ്കിൽ സൗജന്യ യാത്ര എന്ന സ്റ്റിക്കർ പതിക്കണമെന്ന ഗതാഗത വകുപ്പിന്റെ ഉത്തരവ് പിൻവലിച്ചു. ഓട്ടോ തൊഴിലാളി യൂണിയനുമായുള്ള ചർച്ചകൾക്ക് ശേഷം ഗതാഗത വകുപ്പ് നിലപാട് മയപ്പെടുത്തുകയായിരുന്നു. മീറ്റർ ഇട്ടില്ലെങ്കിൽ പണം നൽകേണ്ടതില്ല എന്ന സ്റ്റിക്കർ പതിക്കാനുള്ള ഉത്തരവ് പ്രായോഗിക ബുദ്ധിമുട്ടുകൾ കണക്കിലെടുത്താണ് പിൻവലിച്ചത്.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

സംയുക്ത ഓട്ടോറിക്ഷാ തൊഴിലാളി യൂണിയൻ നേതാക്കൾ ഗതാഗത മന്ത്രി കെ. ബി. ഗണേഷ് കുമാറുമായി നടത്തിയ ചർച്ചയിലാണ് ഈ തീരുമാനമുണ്ടായത്.

സ്റ്റിക്കർ പതിപ്പിക്കുന്നതിലെ പ്രായോഗിക ബുദ്ധിമുട്ടുകൾ യൂണിയൻ നേതാക്കൾ മന്ത്രിയുടെ ശ്രദ്ധയിൽപ്പെടുത്തി. മാർച്ച് ഒന്ന് മുതലാണ് ഈ ഉത്തരവ് നിലവിൽ വന്നത്. ഓട്ടോറിക്ഷാ തൊഴിലാളികളുടെ പണിമുടക്കും പിൻവലിക്കാൻ തീരുമാനമായി.

ഉത്തരവ് പിൻവലിക്കുന്ന കാര്യം ഗതാഗത മന്ത്രി നിയമസഭയെ അറിയിക്കും. ഭൂരിപക്ഷം ഓട്ടോകളും സ്റ്റിക്കർ പതിപ്പിച്ചിട്ടില്ലെന്നും റിപ്പോർട്ടുകളുണ്ട്. മീറ്റർ ഇട്ട് തന്നെയാണ് ഓട്ടോ ഓടിക്കുന്നതെന്നും ഇത്തരത്തിൽ അടിച്ചേൽപ്പിക്കുന്ന നടപടികൾ അംഗീകരിക്കില്ലെന്നുമായിരുന്നു ഓട്ടോ തൊഴിലാളി യൂണിയന്റെ നിലപാട്.

സംവിധായകൻ രഞ്ജിത്തിനെതിരായ ലൈംഗികാതിക്രമ കേസ് ഹൈക്കോടതി റദ്ദാക്കി

ഓട്ടോ തൊഴിലാളികളുമായുള്ള തർക്കത്തിൽ ഗതാഗത വകുപ്പ് നിലപാട് മയപ്പെടുത്തിയതോടെ പ്രശ്നത്തിന് പരിഹാരമായി.

Story Highlights: The Transport Department in Kerala has withdrawn its order mandating autorickshaws to display stickers offering free rides if meters aren’t functional.

വർക്കല ട്രെയിൻ സംഭവം: പ്രതിയെ ഇന്ന് കസ്റ്റഡിയിൽ വാങ്ങും; ശ്രീക്കുട്ടിയുടെ ആരോഗ്യനില മാറ്റമില്ലാതെ തുടരുന്നു