Kerala Tops Urban Governance Index 2024 with 59.31 Points

കേരളത്തിന്റെ നഗരഭരണ സ്ഥാപനങ്ങളുടെ പ്രവർത്തനമികവിൽ രാജ്യത്ത് ഒന്നാം സ്ഥാനം നേടിയതായി തദ്ദേശ സ്വയംഭരണ വകുപ്പ് മന്ത്രി എം. ബി. രാജേഷ് അറിയിച്ചു.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

2024ലെ അർബൻ ഗവേണൻസ് ഇൻഡക്സ് പ്രകാരം കേരളം 59. 31 മാർക്കോടെയാണ് മുന്നിലെത്തിയത്. ഫേസ്ബുക്ക് പോസ്റ്റിലൂടെയാണ് മന്ത്രി ഈ വിവരം പങ്കുവെച്ചത്.

നഗരഭരണ സ്ഥാപനങ്ങളുടെ മികവ് നിശ്ചയിക്കുന്നതിന് നാല് പ്രധാന മേഖലകളെ അടിസ്ഥാനമാക്കിയാണ് വിലയിരുത്തൽ നടത്തിയത്. തദ്ദേശ സ്ഥാപന ജനപ്രതിനിധികളുടെ ശാക്തീകരണം, നഗരഭരണ നിയമങ്ങളുടെ കാര്യക്ഷമത, നഗര ഭരണ സ്ഥാപനങ്ങളുടെ ഭരണമികവ്, പൗരന്മാരുടെ ശാക്തീകരണം, ധനകാര്യ മാനേജ്മെന്റിലെ മികവ് എന്നിവയാണ് ഈ മേഖലകൾ. ഈ വിഭാഗങ്ങളിൽ കേരളം മികച്ച പ്രകടനം കാഴ്ചവെച്ചു.

കേരളത്തിന്റെ വികേന്ദ്രീകൃതാസൂത്രണ മികവിനുള്ള അംഗീകാരമായാണ് ഈ നേട്ടത്തെ മന്ത്രി വിലയിരുത്തിയത്. അതിവേഗം നഗരവത്കരിക്കപ്പെട്ടുകൊണ്ടിരിക്കുന്ന കേരളത്തിന് അനുയോജ്യമായ നയസമീപനങ്ങളാണ് ഇടതുപക്ഷ ജനാധിപത്യ മുന്നണി സർക്കാർ സ്വീകരിക്കുന്നതെന്നും അദ്ദേഹം കൂട്ടിച്ചേർത്തു. അർബൻ കമ്മീഷൻ ഉൾപ്പെടെയുള്ള നടപടികൾ കൂടി പൂർത്തിയാകുന്നതോടെ, കേരളം കൂടുതൽ മികവിലേക്ക് നീങ്ങുമെന്നാണ് പ്രതീക്ഷിക്കുന്നതെന്നും മന്ത്രി പറഞ്ഞു.

സാഹിത്യോത്സവത്തിന് മാന്ത്രിക സ്പർശവുമായി നിർമ്മിത ബുദ്ധി

ഡൽഹിയിൽ നടന്ന ചടങ്ങിലാണ് ഈ റിപ്പോർട്ട് പ്രകാശനം ചെയ്തത്.

Story Highlights: Kerala tops Urban Governance Index 2024 with 59.31 points, showcasing excellence in municipal administration

ഡിജിറ്റൽ വി.സി നിയമനം: മുഖ്യമന്ത്രിയുടെ പട്ടികയിൽ നിന്ന് നിയമനം നടത്തണമെന്ന് സുപ്രീം കോടതി