തിരുവനന്തപുരം ഖോർഖി ഭവനിൽ വെച്ച് ഇന്ന് ഉച്ചയ്ക്ക് രണ്ട് മണിക്ക് കേരള സംസ്ഥാന ഭാഗ്യക്കുറിയുടെ സമ്മർ ബമ്പർ BR-102 നറുക്കെടുപ്പ് നടക്കും. ഒന്നാം സമ്മാനം 10 കോടി രൂപയും രണ്ടാം സമ്മാനം 50 ലക്ഷം രൂപയുമാണ്. 250 രൂപ വിലയുള്ള ടിക്കറ്റുകൾ SA, SB, SC, SD, SE, SG എന്നീ ആറ് സീരീസുകളിലായാണ് ലഭ്യമാക്കിയിരുന്നത്.
മൂന്നാം സമ്മാനമായി ഓരോ പരമ്പരയിലും രണ്ട് പേർക്ക് വീതം അഞ്ച് ലക്ഷം രൂപ ലഭിക്കും. ആകെ 60 ലക്ഷം രൂപയാണ് മൂന്നാം സമ്മാനമായി നൽകുന്നത്. ടിക്കറ്റിന്റെ അവസാന അഞ്ചക്കങ്ങളുടെ അടിസ്ഥാനത്തിൽ ഒരു ലക്ഷം രൂപയുടെ നാലാം സമ്മാനവും നൽകും. 5000, 2000, 1000, 500 രൂപ വീതമുള്ള നിരവധി സമാശ്വാസ സമ്മാനങ്ങളും നറുക്കെടുപ്പിലുണ്ട്.
നറുക്കെടുപ്പ് ഫലം ഭാഗ്യക്കുറി വകുപ്പിന്റെ ഔദ്യോഗിക വെബ്സൈറ്റുകളിൽ ലഭ്യമാകും. https://www.keralalotteryresult.net/ , http://www.keralalotteries.com/ എന്നിവയാണ് വെബ്സൈറ്റ് വിലാസങ്ങൾ. 5000 രൂപയിൽ താഴെയുള്ള സമ്മാനങ്ങൾ കേരളത്തിലെ ഏത് ലോട്ടറിക്കടയിൽ നിന്നും കരസ്ഥമാക്കാം.
5000 രൂപയിൽ കൂടുതലുള്ള സമ്മാനങ്ങൾക്ക് ടിക്കറ്റും തിരിച്ചറിയൽ രേഖകളും സഹിതം സർക്കാർ ലോട്ടറി ഓഫീസിലോ ബാങ്കിലോ ഹാജരാകണം. സമ്മാന ജേതാക്കൾ സർക്കാർ ഗസറ്റിൽ പ്രസിദ്ധീകരിക്കുന്ന ഔദ്യോഗിക ഫലം പരിശോധിച്ച് ഉറപ്പുവരുത്തണം. സമ്മാനാർഹമായ ടിക്കറ്റുകൾ 30 ദിവസത്തിനുള്ളിൽ സമർപ്പിക്കേണ്ടതാണ്.
Story Highlights: The Kerala Summer Bumper BR-102 lottery draw, with a first prize of ₹10 crores, will take place today.