Kerala Social Work Awards: Six Professionals Honored for Excellence

കേരള അസോസിയേഷന് ഓഫ് പ്രൊഫഷണല് സോഷ്യല് വര്ക്കേഴ്സ് (KAPS) സംസ്ഥാനതലത്തില് ഏര്പ്പെടുത്തിയ പ്രഥമ സംസ്ഥാന സോഷ്യല് വര്ക്ക് അവാര്ഡിന് ആറ് പേര് അര്ഹരായി. സോഷ്യല് വര്ക്ക് മേഖലയിലെ വിവിധ വിഭാഗങ്ങളില് മികച്ച പ്രവര്ത്തനം കാഴ്ചവെച്ചവരെയാണ് ഈ അവാര്ഡിനായി തെരഞ്ഞെടുത്തത്. സോഷ്യല് വര്ക്ക് അധ്യാപന മേഖലയിലെ നിര്ണായക ഇടപെടലുകള്ക്കുള്ള ഗുരുശ്രേഷ്ഠ പുരസ്കാരത്തിന് രാജഗിരി സോഷ്യല് സയന്സ് കോളേജിന്റെയും മറ്റു വിദ്യാഭ്യാസ സ്ഥാപനങ്ങളുടെയും നായകത്വം വഹിച്ച ഫാദര് ജോസ് അലക്സ് സി എം ഐ തെരഞ്ഞെടുക്കപ്പെട്ടു.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

പ്രാക്ടീസ് മേഖലയിലെ വ്യത്യസ്തമായ ഇടപെടലുകള്ക്കുള്ള കര്മ്മശ്രേഷ്ഠ പുരസ്കാരത്തിന് പത്തനംതിട്ടയില് നിന്നുള്ള ശ്രീ റെനി ജേക്കബും വയനാട് നിന്നുള്ള ശ്രീ. ഒ പി എബ്രഹാമും അര്ഹരായി. സോഷ്യല് വര്ക്ക് അധ്യാപന-പ്രാക്ടീസ് മേഖലയിലെ യുവ സോഷ്യല് വര്ക്കര്മാര്ക്കുള്ള യുവശ്രേഷ്ഠ പുരസ്കാരത്തിന് മൂന്നുപേര് തെരഞ്ഞെടുക്കപ്പെട്ടു.

ഇടുക്കി മരിയന് കോളേജില് നിന്നുള്ള ഡോ. ജോബി ബാബു, തൃശ്ശൂരില് നിന്നുള്ള ശ്രീമതി വൃന്ദ ദാസ്, കാസര്കോട് നിന്നുള്ള ശ്രീ. ശ്രീരാഗ് കുറുവത്ത് എന്നിവരാണ് ഈ പുരസ്കാരത്തിന് അര്ഹരായത്.

മെഡിക്കൽ കോളേജിലെ അനാസ്ഥ: ആൻജിയോഗ്രാം ലിസ്റ്റിൽ നിന്ന് ഒഴിവാക്കിയെന്ന് വേണുവിന്റെ ശബ്ദസന്ദേശം

ഒക്ടോബര് 19 ശനിയാഴ്ച എറണാകുളം ഭാരത മാതാ കോളേജില് നടക്കുന്ന ഒമ്പതാമത് കേരള സോഷ്യല് വര്ക്ക് കോണ്ഗ്രസില് വ്യവസായ നിയമ വകുപ്പ് മന്ത്രി ശ്രീ. പി രാജീവ് ഈ അവാര്ഡുകള് സമ്മാനിക്കും.

Story Highlights: Kerala Association of Professional Social Workers (KAPS) announces six winners for its first State Social Work Awards

പി.എം ശ്രീ: സി.പി.ഐ.എമ്മിനെതിരെ പോളിറ്റ് ബ്യൂറോയില് വിമര്ശനം; ജനറല് സെക്രട്ടറിയെപ്പോലും അറിയിച്ചില്ലെന്ന് അംഗങ്ങള്