Kerala storms into Santosh Trophy final round with 7-0 win

സന്തോഷ് ട്രോഫിയുടെ ഫൈനൽ റൗണ്ടിലേക്ക് കേരളം അടിച്ചു കയറി. കോഴിക്കോട് കോർപ്പറേഷൻ EMS സ്റ്റേഡിയത്തിൽ നടന്ന അവസാന ഗ്രൂപ്പ് മൽസരത്തിൽ എതിരാളികളായ പുതുച്ചേരിയെ എതിരില്ലാത്ത 7 ഗോളുകൾക്ക് നിലംപരിശാക്കിയാണ് കേരളത്തിൻ്റെ ആധികാരിക ജയം. മൽസര വിജയത്തോടെ ആദ്യ മൂന്ന് മൽസരങ്ങളിലും വിജയം മാത്രം രുചിച്ച കേരളം ഗ്രൂപ്പ് ചാമ്പ്യൻമാരായി രാജകീയമായി തന്നെ തങ്ങളുടെ ഫൈനൽ ബെർത്ത് ഉറപ്പിക്കുകയായിരുന്നു.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

കേരളത്തിനായി നസീബ് റഹ്മാനും, ഇ. സജീഷും ഇരട്ട ഗോളുകൾ നേടിയപ്പോൾ ഗനി അഹമ്മദ് നിഗം, ക്രിസ്റ്റി ഡേവിസ്, ടി. ഷിജിൻ എന്നിവർ ഓരോ ഗോൾ വീതം നേടി. തോൽവിയോ ഗോളോ വഴങ്ങാതെ മികച്ച പ്രകടനത്തിലൂടെയാണ് ഇത്തവണ കേരളം ഫൈനൽ റൗണ്ടിലേക്ക് കടന്നിരിക്കുന്നത്.

ഡിസംബറിൽ ഹൈദരബാദിലാണ് ഫൈനൽ റൗണ്ട് മത്സരം നടക്കുക. വിവിധ ഗ്രൂപ്പുകളിൽ നിന്നായി 12 ടീമുകൾ ഫൈനൽ റൗണ്ടിൽ ബൂട്ട് കെട്ടും. പ്രാഥമിക റൗണ്ടിലെ അവസാന കളിയായിരുന്നു പുതുച്ചേരിക്കെതിരായ ഈ മത്സരം. കേരളത്തിന്റെ മികച്ച പ്രകടനം ഫൈനൽ റൗണ്ടിൽ തുടരുമെന്ന് പ്രതീക്ഷിക്കാം.

പി.എം.ശ്രീ പദ്ധതി കേരളത്തിന് ദോഷകരമെങ്കിൽ നടപ്പാക്കില്ലെന്ന് ടി.പി. രാമകൃഷ്ണൻ

Story Highlights: Kerala secures final round berth in Santosh Trophy with dominant 7-0 win over Puducherry

തൃശ്ശൂർ കുതിരാനിൽ വീണ്ടും കാട്ടാനയിറങ്ങി; ജനവാസ മേഖലയിൽ ഭീതി