**മൂവാറ്റുപുഴ ◾:** മൂവാറ്റുപുഴയില് എസ്ഐയെ കാറിടിച്ച് കൊലപ്പെടുത്താന് ശ്രമിച്ച കേസിലെ രണ്ടാം പ്രതിയും പെരുമ്പാവൂരില് പൊലീസ് ഉദ്യോഗസ്ഥനെ കാറിടിപ്പിച്ച് പരുക്കേല്പ്പിച്ച കേസിലെ പ്രതിയും പിടിയിലായി. കല്ലൂര്ക്കാട് പൊലീസ് സ്റ്റേഷനിലെ എസ് ഐ മുഹമ്മദിനെ കാറിടിച്ച് കൊലപ്പെടുത്താന് ശ്രമിച്ച കേസിലെ രണ്ടാം പ്രതി തൊടുപുഴ സ്വദേശി ആസിഫ് നിസ്സാറിനെയാണ് ഇടുക്കി മൂലമറ്റത്തു നിന്ന് അറസ്റ്റ് ചെയ്തത്. പെരുമ്പാവൂര് പെരുമാനി സ്വദേശി ജിഷ്ണുവിനെയാണ് പെരുമ്പാവൂരില് പൊലീസ് അറസ്റ്റ് ചെയ്തത്.
കല്ലൂര്ക്കാട് പൊലീസ് സ്റ്റേഷനിലെ എസ് ഐ മുഹമ്മദിനെ കാറിടിച്ച് കൊലപ്പെടുത്താന് ശ്രമിച്ച കേസിലെ രണ്ടാം പ്രതിയെക്കുറിച്ച് പൊലീസിന് കൂടുതല് വിവരം ലഭിച്ചത് ഒന്നാം പ്രതി മുഹമ്മദ് ഷെരീഫിനെ ചോദ്യം ചെയ്തതില് നിന്നാണ്. ഇതിന്റെ അടിസ്ഥാനത്തില് ഇയാളുടെ ഒളിത്താവളത്തെക്കുറിച്ച് സൂചന ലഭിച്ചതിനെത്തുടര്ന്ന് കല്ലൂര്ക്കാട് പൊലീസ് മൂലമറ്റത്തുനിന്ന് പ്രതിയെ അറസ്റ്റ് ചെയ്യുകയായിരുന്നു. മണക്കാട് സ്വദേശി മുഹമ്മദ് ഷെരീഫിനെ പൊലീസ് കസ്റ്റഡിയില് വിശദമായി ചോദ്യം ചെയ്തിരുന്നു. വാഹന പരിശോധനയ്ക്കിടെയാണ് എസ് ഐയെ കാറിടിച്ച് കൊലപ്പെടുത്താന് ശ്രമിച്ചത്.
തുടര്ന്ന് ആസിഫിനെ മൂവാറ്റുപുഴ കോടതിയില് ഹാജരാക്കി 14 ദിവസത്തേക്ക് റിമാന്ഡ് ചെയ്തു. അതേസമയം പെരുമ്പാവൂരില് പോലീസ് ഉദ്യോഗസ്ഥനെ കാറിടിപ്പിച്ച് പരുക്കേല്പ്പിച്ച കേസിലെ പ്രതിയും പിടിയിലായി. ജിഷ്ണുവുമായി പിണങ്ങി കഴിയുന്ന ഇയാളുടെ ഭാര്യയുടെ കോടനാട്ടെ വീട്ടില്നിന്ന് കുട്ടികളെ കാറില് കയറ്റി കൊണ്ടുപോയി എന്ന് പൊലീസില് പരാതി ലഭിച്ചിരുന്നു. നേരത്തെ മൂവാറ്റുപുഴ കോടതിയില് കീഴടങ്ങിയ ഒന്നാം പ്രതി മുഹമ്മദ് ഷെരീഫ് ഷംസുദ്ദീനെ പൊലീസ് കസ്റ്റഡിയില് വാങ്ങിയ ശേഷം തെളിവെടുപ്പുള്പ്പടെ പൂര്ത്തിയാക്കിയിരുന്നു.
വളയന്ചിറങ്ങറയില് വച്ച് കാറ് ശ്രദ്ധയില്പ്പെട്ട പൊലീസുകാര് വാഹനത്തിന് അരികിലേക്ക് എത്തിയപ്പോള് തുറന്നു പിടിച്ച ഡോറുമായി കാര് പ്രതി ഓടിച്ചുപോവുകയായിരുന്നു. ഇതിന്റെ അടിസ്ഥാനത്തില് ലഭിച്ച സന്ദേശത്തെ തുടര്ന്നാണ് കണ്ട്രോള് റൂം വെഹിക്കിള് പരിശോധനയ്ക്ക് ഇറങ്ങിയത്. പെരുമ്പാവൂര് പൊലീസ് കണ്ട്രോള് റൂം വാഹനത്തിലെ ജയ്സണ് എന്ന പൊലീസുദ്യോഗസ്ഥനെയാണ് ജിഷ്ണു കാറിടിച്ച് പരുക്കേല്പ്പിച്ചത്. കാറിലും പൊലീസ് വാഹനത്തിനും ഇടയില്പ്പെട്ട പൊലീസുദ്യോഗസ്ഥനായ ജെയ്സന്റെ കൈയ്ക്ക് പരുക്കേല്ക്കുകയായിരുന്നു.
ഒന്നാം പ്രതി മുഹമ്മദ് ഷെരീഫ് ഷംസുദ്ദീന് നേരത്തെ കീഴടങ്ങിയിരുന്നു. കോടതിയില് ഹാജരാക്കിയ പ്രതിയെ റിമാന്റ് ചെയ്തു.
ALSO READ: സമൂഹത്തിന്റെ പൊതുബോധ മണ്ഡലത്തില് സ്ത്രീകളുടെ തുടര്ച്ചയായ ഇടപെടലുകള് അനിവാര്യം: അഡ്വ. പി സതീദേവി
ALSO READ: ‘കാവിക്കൊടി ദേശീയ പതാകയാക്കണം’: ഇന്ത്യയുടെ ദേശീയ പതാകയെ അപമാനിച്ച ബിജെപി നേതാവിനെതിരെ പരാതി
Story Highlights: Second accused in SI murder attempt case in Muvattupuzha and accused in Perumbavoor police officer car collision case arrested.
തൃശ്ശൂർ എഞ്ചിനീയറിംഗ് കോളേജിലെ ഹോസ്റ്റലിൽ വിദ്യാർത്ഥിയെ മരിച്ച നിലയിൽ കണ്ടെത്തി. കോഴിക്കോട് സ്വദേശി Read more
രാഹുൽ ഈശ്വർ ജയിലിലെ നിരാഹാര സമരം അവസാനിപ്പിച്ചു. ജാമ്യം നിഷേധിച്ചതിനെ തുടർന്നാണ് രാഹുൽ Read more
രാഹുൽ ഈശ്വറിന് തിരുവനന്തപുരം സി.ജെ.എം കോടതി ജാമ്യം നിഷേധിച്ചു. അതിജീവിതകൾക്കെതിരായ പോസ്റ്റുകൾ നീക്കം Read more
കൊച്ചി കടവന്ത്രയിൽ മോഷണം നടത്താനെത്തിയ നാഗാലാൻഡ് സ്വദേശിയെ അതിഥി തൊഴിലാളികൾ പിടികൂടി. കാർ Read more
മൈലക്കാട് ദേശീയപാത ഇടിഞ്ഞ സംഭവത്തിൽ ദേശീയപാത അതോറിറ്റിക്കെതിരെ മന്ത്രി കെ.എൻ.ബാലഗോപാൽ രംഗത്ത്. മണ്ണിന്റെ Read more
കാസർകോട് വനിതാ ബി.എൽ.ഒയെ ഭീഷണിപ്പെടുത്തി എസ്.ഐ.ആർ വിവരങ്ങൾ ഫോണിലേക്ക് പകർത്തിയ സംഭവത്തിൽ ബി.ജെ.പി Read more
രണ്ടാമത്തെ ലൈംഗിക പീഡനക്കേസിലും അറസ്റ്റ് തടയുന്നതിനുള്ള ശ്രമങ്ങളുമായി രാഹുൽ മാങ്കൂട്ടത്തിൽ എംഎൽഎ. തിരുവനന്തപുരം Read more
കൊല്ലത്തെ ദേശീയപാത അപകടത്തിൽ യൂത്ത് കോൺഗ്രസ് സംസ്ഥാന അധ്യക്ഷൻ ഒ.ജെ.ജനീഷിന്റെ പ്രതികരണം. ദേശീയപാത Read more
ലൈംഗിക പീഡനക്കേസിൽ രാഹുൽ മാങ്കൂട്ടത്തിലിന്റെ അറസ്റ്റ് ഹൈക്കോടതി തടഞ്ഞു. രാഹുലിനെതിരെ അതിജീവിത നൽകിയ Read more
ശബരിമല സ്വർണ്ണക്കൊള്ള കേസിൽ തന്ത്രിമാരുടെ മൊഴി വീണ്ടും രേഖപ്പെടുത്തും. ഉന്നതരിലേക്ക് അന്വേഷണം നീങ്ങണമെന്ന Read more
