Kerala MLAs from Palakkad, Chelakkara to take oath on December 4

പാലക്കാട്, ചേലക്കര ഉപതിരഞ്ഞെടുപ്പിൽ വിജയിച്ച നിയുക്ത എം എൽ എമാരുടെ സത്യപ്രതിജ്ഞ ഡിസംബർ 4ന് നടക്കും. ചേലക്കരയിൽ നിന്ന് ജയിച്ച യു ആർ പ്രദീപും പാലക്കാട് നിന്ന് ജയിച്ച രാഹുൽ മാങ്കൂട്ടത്തിലും ഉച്ചക്ക് 12 മണിക്ക് നിയമസഭാ മന്ദിരത്തിലെ ശങ്കരനാരായണൻ തമ്പി മെമ്പേഴ്സ് ലോഞ്ചിൽ വെച്ച് സത്യപ്രതിജ്ഞ ചെയ്യും. പാർട്ടി സമ്മേളനങ്ങൾ നടക്കുന്നതിനാൽ സഭ ചേരുന്നതിന് സി പി ഐ എം അസൗകര്യം അറിയിച്ചിരുന്നു. യു ഡി എഫും യോജിപ്പ് അറിയിച്ചതോടെയാണ് മെമ്പേഴ്സ് ലോഞ്ചിൽ വെച്ച് സത്യപ്രതിജ്ഞ നടത്താൻ ധാരണയായത്.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

ചേലക്കര മണ്ഡലത്തിൽ 12201 വോട്ടിന്റെ ഭൂരിപക്ഷത്തിലാണ് യു ആര് പ്രദീപ് തുടര്ച്ചയായി ഏഴാം തവണയും ഇടതുകോട്ടയില്ത്തന്നെ നിലനിര്ത്തിയത്. യു ഡി എഫ് സ്ഥാനാർത്ഥിയായ രമ്യ ഹരിദാസിന് 52626 വോട്ടുകളാണ് മണ്ഡലത്തിൽനിന്ന് ലഭിച്ചത്. 2016ൽ യു ആർ പ്രദീപ് നേടിയതിനേക്കാൾ ഭൂരിപക്ഷം ഇത്തവണ നേടിയതും യു ഡി എഫിന് തിരിച്ചടിയായി.

കോഴിക്കോട് കോർപറേഷൻ; യുഡിഎഫ് മേയർ സ്ഥാനാർത്ഥി വി.എം. വിനുവിന് വോട്ടില്ല

പാലക്കാട് മണ്ഡലത്തിൽ യുഡിഎഫിന്റെ സ്ഥാനാർത്ഥി രാഹുൽ മാങ്കൂട്ടത്തിൽ 18,840 വോട്ടുകൾക്കാണ് വിജയം ഉറപ്പിച്ചത്. ഇത് പാലക്കാട് എംപി ഷാഫി പറമ്പിലിന്റെ ഏറ്റവും ഉയർന്ന ഭൂരിപക്ഷവും മറികടന്നുകൊണ്ടുള്ള വിജയമായിരുന്നു. ഈ രണ്ട് മണ്ഡലങ്ങളിലെയും വിജയം യുഡിഎഫിന് വലിയ ആത്മവിശ്വാസം നൽകിയിട്ടുണ്ട്.

Story Highlights: U R Pradeep and Rahul Mamkootathil to take oath as MLAs on December 4th in Kerala Assembly

രാഹുൽ മാങ്കൂട്ടത്തിലിനെ പിന്തുണച്ച് കെ. സുധാകരൻ; യുഡിഎഫിൽ തലവേദന