Kerala Minister Denies Inflated Rescue Costs in Landslide Disaster

മുണ്ടക്കൈ-ചൂരൽമല ഉരുൾപൊട്ടൽ ദുരന്തത്തിലെ രക്ഷാപ്രവർത്തന ചെലവ് സംബന്ധിച്ച് പുറത്തുവന്ന വിവരങ്ങൾ തെറ്റാണെന്ന് റവന്യൂ മന്ത്രി കെ രാജൻ വ്യക്തമാക്കി. കേന്ദ്രത്തിന് നൽകിയ മെമ്മോറാണ്ടത്തിലെ എസ്റ്റിമേറ്റാണ് തെറ്റായ രീതിയിൽ പ്രചരിപ്പിക്കുന്നതെന്നും മന്ത്രി പറഞ്ഞു.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

ഈ വിഷയത്തിൽ മുഖ്യമന്ത്രിയുമായി ആലോചിച്ച് വാർത്താസമ്മേളനം വിളിക്കുമെന്നും അദ്ദേഹം അറിയിച്ചു. വയനാട് ദുരന്തത്തിലെ പ്രവർത്തനങ്ങൾക്കായി സർക്കാർ ചെലവിട്ട കണക്കുകളാണ് പുറത്തുവന്നിരുന്നത്.

ഈ കണക്കുകൾ പ്രകാരം, ദുരിതബാധിതർക്ക് നൽകിയതിനെക്കാൾ കൂടുതൽ തുക വൊളണ്ടിയർമാർക്കാണ് ചെലവഴിച്ചത്. വൊളണ്ടിയർമാരുടെ വാഹന ചെലവിനും ഭക്ഷണത്തിനുമായി 14 കോടി രൂപയും, യൂസർ കിറ്റുകൾക്കായി 2 കോടി 98 ലക്ഷം രൂപയും, ഗതാഗതത്തിന് മാത്രം 4 കോടി രൂപയും ചെലവായതായി കണക്കുകൾ സൂചിപ്പിക്കുന്നു.

സർക്കാർ കണക്കുകൾ പ്രകാരം, ഒരു മൃതദേഹം സംസ്കരിക്കുന്നതിന് 75,000 രൂപ ചെലവായി. 359 മൃതദേഹങ്ങൾ സംസ്കരിക്കുന്നതിന് 2 കോടി 76 ലക്ഷം രൂപ ചെലവിട്ടു.

ജെസിബി, ഹിറ്റാച്ചി, ക്രെയിൻ എന്നിവയ്ക്ക് 15 കോടി രൂപയും, ദുരിതാശ്വാസ ക്യാമ്പിലെ ഭക്ഷണത്തിന് 8 കോടി രൂപയും, വസ്ത്രങ്ങൾക്ക് 11 കോടി രൂപയും ചെലവായി. മെഡിക്കൽ പരിശോധനയ്ക്ക് 8 കോടി രൂപയും, ക്യാമ്പുകളിലെ ജനറേറ്റർ ചെലവിനായി 7 കോടി രൂപയും ചെലവഴിച്ചതായി സർക്കാർ സത്യവാങ്മൂലം പരാമർശിച്ചുള്ള കോടതി റിപ്പോർട്ടിൽ പറയുന്നു.

പൂജപ്പുരയിൽ എസ്ഐയെ ഗുണ്ടാ നേതാവ് കുത്തി; പ്രതി ഒളിവിൽ

Story Highlights: Kerala Revenue Minister K Rajan denies inflated rescue operation costs in Mundakkai-Churalmala landslide disaster

ഏറ്റുമാനൂർ ആത്മഹത്യാ കേസ്: നോബി ലൂക്കോസിന് ജാമ്യം