Kerala loses to Maharashtra in Syed Mushtaq Ali Trophy cricket match

സയ്യിദ് മുഷ്താഖ് അലി ട്രോഫിയിലെ രണ്ടാം മത്സരത്തില് കേരളത്തിന് തോല്വി നേരിട്ടു. മഹാരാഷ്ട്രയാണ് നാല് വിക്കറ്റിന് കേരളത്തെ പരാജയപ്പെടുത്തിയത്. ആദ്യം ബാറ്റ് ചെയ്ത കേരളം 20 ഓവറില് ഏഴ് വിക്കറ്റ് നഷ്ടത്തില് 187 റണ്സെടുത്തു. ഓപണര്മാരായ ക്യാപ്റ്റന് സഞ്ജു സാംസണും രോഹന് കുന്നുമ്മലും ചേര്ന്ന് കേരളത്തിന് അതിവേഗത്തിലുള്ള തുടക്കം നല്കി.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

രോഹന് 24 പന്തില് നിന്ന് അഞ്ച് ഫോറും രണ്ട് സിക്സുമടക്കം 45 റണ്സ് നേടി ടോപ് സ്കോററായി. മുഹമ്മദ് അസറുദ്ദീന് 29 പന്തില് 40 റണ്സെടുത്ത് പുറത്തായി. 25 പന്തില് 40 റണ്സുമായി സച്ചിന് ബേബി പുറത്താകാതെ നിന്നു. 14 പന്തില് 24 റണ്സടിച്ച അബ്ദുല് ബാസിതും തിളങ്ങി. സഞ്ജു സാംസണ് 19 റണ്സ് മാത്രമാണ് നേടിയത്.

മറുപടി ബാറ്റിങ്ങില് മഹാരാഷ്ട്ര ഒരു പന്ത് ബാക്കി നില്ക്കെ ആറ് വിക്കറ്റിന് 189 റണ്സ് നേടി വിജയം സ്വന്തമാക്കി. മത്സരം അവസാന അഞ്ച് ഓവറുകളിലേക്ക് കടക്കുമ്പോള് മഹാരാഷ്ട്രക്ക് ജയിക്കാന് 60 റണ്സിലേറെ വേണ്ടിയിരുന്നു. കളി കേരളത്തിന് അനുകൂലമായേക്കുമെന്ന് കരുതിയ ഘട്ടത്തിലാണ് ഒറ്റയാള് മികവുമായി ദിവ്യാങ് ഹിങ്കാനേക്കര് കളം നിറഞ്ഞത്. 18 പന്തില്നിന്ന് 43 റണ്സുമായി പുറത്താകാതെ നിന്ന ദിവ്യാങ് ടീമിനെ വിജയത്തിലെത്തിക്കുകയായിരുന്നു. അവസാന ഓവര് വരെ ആവേശം നിറഞ്ഞുനിന്നിരുന്നു. ആദ്യ കളിയില് കേരളം സര്വീസസിനെ തോല്പ്പിച്ചിരുന്നു.

കൊല്ലത്ത് 16 ദിവസത്തിനിടെ വാഹനാപകടങ്ങളിൽ മരിച്ചത് 13 പേർ; കൂടുതലും സ്ത്രീകളും യുവാക്കളും

Story Highlights: Kerala loses to Maharashtra in Syed Mushtaq Ali Trophy, despite strong batting performance

മെസ്സിയും സംഘവും കേരളത്തിലേക്ക്; AFA പ്രൊമോ വീഡിയോ പുറത്ത്