Kerala Govt's 4th Anniversary Celebrated in Kasaragod

കാസർഗോഡ്◾: രണ്ടാം പിണറായി വിജയൻ സർക്കാരിന്റെ നാലാം വാർഷികാഘോഷങ്ങൾക്ക് കാസർഗോഡ് കാലിക്കടവിൽ തുടക്കമായി. മുഖ്യമന്ത്രി പിണറായി വിജയൻ സംസ്ഥാനതല ഉദ്ഘാടനം നിർവഹിച്ച ചടങ്ങിൽ മന്ത്രിമാരും മുതിർന്ന ഉദ്യോഗസ്ഥരും പങ്കെടുത്തു. എൽഡിഎഫ് ഏറ്റെടുത്തത് തകർന്നുകിടന്ന ഒരു നാടിനെയാണെന്ന് ചടങ്ങിൽ മുഖ്യമന്ത്രി പറഞ്ഞു. കേരളത്തിന്റെ താല്പര്യങ്ങൾക്ക് ഒപ്പം നിൽക്കാതെ കേന്ദ്രത്തോടൊപ്പം ചേർന്നുനിന്ന പ്രതിപക്ഷത്തെയും മാധ്യമങ്ങളെയും മുഖ്യമന്ത്രി വിമർശിച്ചു. വാർഷികാഘോഷം ധൂർത്താണെന്ന പ്രതിപക്ഷ ആരോപണം മന്ത്രിമാർ തള്ളിക്കളഞ്ഞു.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

2016-ൽ എല്ലാവരും ശപിച്ച ഒരു സർക്കാരിനെയാണ് അവസാനിപ്പിച്ചതെന്നും മുഖ്യമന്ത്രി പറഞ്ഞു. പ്രതിസന്ധി ഘട്ടങ്ങളിൽ കേന്ദ്ര സർക്കാർ സഹായം നിഷേധിച്ചെന്നും മുഖ്യമന്ത്രി കുറ്റപ്പെടുത്തി. കൂടുതൽ തകരട്ടെ എന്ന നശീകരണ വികാരമായിരുന്നു കേന്ദ്ര സർക്കാരിനെന്ന് അദ്ദേഹം ആരോപിച്ചു. കേരളീയർ ശപിച്ചുകൊണ്ടിരുന്ന ഒരു കാലഘട്ടത്തിനാണ് 2016-ൽ എൽഡിഎഫ് അറുതി വരുത്തിയതെന്നും അദ്ദേഹം കൂട്ടിച്ചേർത്തു.

ഒമ്പത് വർഷമായി തുടരുന്ന ഭരണത്തിന്റെ ഭാഗമാണ് രണ്ടാം സർക്കാരിന്റെ നാലാം വാർഷികമെന്ന് മുഖ്യമന്ത്രി പറഞ്ഞു. വികസനത്തിലൂടെ നാടിനെ കാലോചിതമായി മാറ്റിത്തീർക്കുക എന്ന ദൗത്യമാണ് ജനങ്ങൾ എൽഡിഎഫിനെ ഏൽപ്പിച്ചത്. ഈ ദൗത്യം നിറവേറ്റുന്നതിനിടയിൽ പ്രകൃതി ദുരന്തങ്ങൾ, മാരകമായ പകർച്ചവ്യാധികൾ തുടങ്ങിയ പ്രതിസന്ധികളെ നേരിടേണ്ടി വന്നു. എന്നാൽ തകരാതെ അതിജീവിക്കുക എന്നതായിരുന്നു എൽഡിഎഫ് സർക്കാരിന്റെ ലക്ഷ്യമെന്ന് മുഖ്യമന്ത്രി പറഞ്ഞു.

ജി. സുധാകരൻ പങ്കെടുക്കാനിരുന്ന കെപിസിസി പരിപാടി മാറ്റി

നടക്കില്ല എന്ന് കരുതിയ പദ്ധതികൾ നാട്ടിൽ യാഥാർത്ഥ്യമാക്കിയെന്നും മുഖ്യമന്ത്രി അവകാശപ്പെട്ടു. ക്ഷേമ പ്രവർത്തനങ്ങൾ എണ്ണിപ്പറഞ്ഞുകൊണ്ടായിരുന്നു മുഖ്യമന്ത്രിയുടെ പ്രസംഗം. രാജ്യത്തിന് മുന്നിൽ നമ്പർ വൺ ആയി കേന്ദ്രത്തിന് തന്നെ അവാർഡുകൾ നൽകേണ്ടി വന്നുവെന്നും അദ്ദേഹം പറഞ്ഞു. കേന്ദ്രം കേരളത്തെ അവഗണിക്കുമ്പോൾ പ്രതിപക്ഷം അവർക്കൊപ്പം നിന്നുവെന്ന് മുഖ്യമന്ത്രി കുറ്റപ്പെടുത്തി.

Story Highlights: CM Pinarayi Vijayan inaugurated the fourth anniversary celebrations of the second LDF government in Kasaragod.

ഫ്രാൻസിസ് മാർപാപ്പയുടെ വിയോഗത്തിൽ മുഖ്യമന്ത്രിയുടെ അനുശോചനം