Kerala International Film Festival: Two Films Selected for Competition

കേരള സംസ്ഥാന ചലച്ചിത്ര അക്കാദമി സംഘടിപ്പിക്കുന്ന 29-ാമത് കേരള രാജ്യാന്തര ചലച്ചിത്രമേളയുടെ മത്സര വിഭാഗത്തിലേയ്ക്ക് രണ്ട് പ്രധാന ചിത്രങ്ങൾ തിരഞ്ഞെടുക്കപ്പെട്ടു. ഇന്ത്യൻ സിനിമ നൗ വിഭാഗത്തിൽ നിന്നും ജയൻ ചെറിയാന്റെ ‘ദ് റിഥം ഓഫ് ദമാം’, അഭിജിത് മജുംദാറിന്റെ ‘ബോഡി’ എന്നീ ചിത്രങ്ങളാണ് അന്താരാഷ്ട്ര മത്സര വിഭാഗത്തിലേക്ക് തിരഞ്ഞെടുക്കപ്പെട്ടത്.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

കൊങ്കണി, കന്നഡ ഭാഷകളിലുള്ള ‘ദ് റിഥം ഓഫ് ദമാം’, ഹിന്ദിയിലുള്ള ‘ബോഡി’ എന്നീ ചിത്രങ്ങൾ മത്സര വിഭാഗത്തിൽ ഇടംപിടിച്ചു. സലിം അഹമ്മദ് ചെയർമാനായ തിരഞ്ഞെടുപ്പ് സമിതിയിൽ സംവിധായകരായ ലിജിൻ ജോസ്, ശാലിനി ഉഷാദേവി, വിപിൻ ആറ്റ്ലി, ചലച്ചിത്ര നിരൂപകൻ ആദിത്യ ശ്രീകൃഷ്ണ എന്നിവർ അംഗങ്ങളായിരുന്നു.

ഈ സമിതിയാണ് മത്സര വിഭാഗത്തിലേക്കുള്ള സിനിമകൾ തിരഞ്ഞെടുത്തത്. ഇന്ത്യൻ സിനിമ നൗ വിഭാഗത്തിൽ ഏഴ് ചിത്രങ്ങൾ തിരഞ്ഞെടുക്കപ്പെട്ടു.

ആര്യൻ ചന്ദ്ര പ്രകാശിന്റെ ‘ആജൂർ’ (ബജ്ജിക), വിപിൻ രാധാകൃഷ്ണന്റെ ‘അംഗമ്മൾ’ (തമിഴ്), ജൈചെങ് സായ് ദോഹുതിയയുടെ ‘ബാഘ്ജാൻ’ (അസ്സാമീസ്), സുഭദ്ര മഹാജന്റെ ‘സെക്കൻഡ് ചാൻസ്’ (ഹിന്ദി, ഹിമാചലി, ഇംഗ്ലീഷ്), അരണ്യ സഹായിയുടെ ‘ഹ്യൂമൻസ് ഇൻ ദ ലൂപ്’ (ഹിന്ദി), ഭരത് സിംഗ് പരിഹാറിന്റെ ‘ഷീപ് ബാർൻ/ഭേദിയ ധസാൻ’ (ഹിന്ദി), അഭിലാഷ് ശർമ്മയുടെ ‘ഇൻ ദ നേം ഓഫ് ഫയർ/സ്വാഹ’ (മഗഹി) എന്നിവയാണ് തിരഞ്ഞെടുക്കപ്പെട്ട ചിത്രങ്ങൾ.

സി-മെറ്റിൽ നഴ്സിങ് അധ്യാപക ഒഴിവുകൾക്ക് അപേക്ഷ ക്ഷണിച്ചു

Story Highlights: Kerala State Chalachitra Academy selects two films for international competition in 29th Kerala International Film Festival

ചാലക്കുടി ബാങ്ക് കവർച്ച: കുറ്റപത്രം സമർപ്പിച്ചു