കേരളത്തിലെ ഗതാഗത നിയമലംഘനങ്ങൾക്കെതിരെ കർശന നടപടികൾ സ്വീകരിക്കാൻ സർക്കാർ തീരുമാനിച്ചു. നോട്ടീസ് ലഭിച്ചിട്ടും പിഴ അടയ്ക്കാത്തവരെ കണ്ടെത്തി നടപടി സ്വീകരിക്കും. ഓരോ ജില്ലയിലും ഏറ്റവും കൂടുതൽ പിഴ അടയ്ക്കാനുള്ള ആയിരം പേരെ കണ്ടെത്തി അവരുടെ വീടുകളിലെത്തി പിഴ അടപ്പിക്കാനാണ് തീരുമാനം.
വാഹനാപകടങ്ങൾ കുറയ്ക്കുന്നതിന്റെ ഭാഗമായി പൊലീസും മോട്ടോർ വാഹന വകുപ്പും സംയുക്തമായി നടത്തുന്ന പരിശോധന ഇന്നലെ മുതൽ ആരംഭിച്ചു. സംസ്ഥാനത്തെ അപകട മേഖലകളിൽ കേന്ദ്രീകരിച്ചാണ് പരിശോധന നടത്തുന്നത്. ഒറ്റ ദിവസം കൊണ്ട് തന്നെ ആയിരക്കണക്കിന് നിയമലംഘനങ്ങൾ കണ്ടെത്തി. റോഡുകളിലൂടെ പോകുന്ന നൂറ് വാഹനങ്ങളിൽ പത്തെണ്ണമെങ്കിലും നിയമം പാലിക്കാതെയാണ് സഞ്ചരിക്കുന്നതെന്ന് കണ്ടെത്തി.
അമിതവേഗം, മദ്യപിച്ച് വാഹനമോടിക്കൽ, അശ്രദ്ധമായി വാഹനം ഓടിക്കൽ, ഹെൽമെറ്റും സീറ്റ് ബെൽറ്റും ധരിക്കാതിരിക്കുക, അമിത ഭാരം കയറ്റി സർവീസ് നടത്തുക തുടങ്ങിയവയ്ക്കെതിരെ കർശന നടപടി സ്വീകരിക്കും. ഡ്രൈവർമാരെ കൂടുതൽ സുരക്ഷാ ബോധമുള്ളവരാക്കി അപകടങ്ങൾ കുറയ്ക്കുന്നതിനുള്ള ബോധവൽക്കരണ പരിപാടികളും പരിശോധനയുടെ ഭാഗമായി നടത്തും.
അതേസമയം, അലങ്കരിച്ച വാഹനങ്ങൾ പൊതുനിരത്തുകളിൽ ഉപയോഗിക്കുന്നവർക്ക് മുന്നറിയിപ്പുമായി മോട്ടോർ വാഹന വകുപ്പ് രംഗത്തെത്തി. റോഡ് സുരക്ഷയെ പ്രതികൂലമായി ബാധിക്കുന്ന തരത്തിലും രജിസ്ട്രേഷൻ നമ്പരുകൾ മറയുന്ന തരത്തിലും വാഹനങ്ങൾ അലങ്കരിക്കുന്നത് നിയമവിരുദ്ധമാണെന്ന് എംവിഡി വ്യക്തമാക്കി. ശബരിമല തീർത്ഥാടകരുടെ വാഹനങ്ങളിൽ പലതും ഇത്തരത്തിൽ അലങ്കാരങ്ങൾ തീർത്തവയാണ്. ചന്ദനം, മഞ്ഞൾ എന്നിവ കൊണ്ട് രജിസ്ട്രേഷൻ നമ്പർ മറയ്ക്കുന്നതും കണ്ടെത്തി.
വാഹനങ്ങളുടെ സുരക്ഷാ ഗ്ലാസുകളിൽ പല നിറങ്ങളിലുള്ള സ്റ്റിക്കറുകൾ പതിപ്പിക്കുന്നത് ഡ്രൈവറുടെ കാഴ്ച പരിമിതപ്പെടുത്തുകയും അപകടങ്ങൾക്ക് കാരണമാകുകയും ചെയ്യുമെന്ന് മുന്നറിയിപ്പ് നൽകി. അനധികൃത ലൈറ്റുകൾ ഘടിപ്പിക്കുന്നത് ശബരിമലയിലെ സുരക്ഷാ പരിശോധനയിൽ കൃത്യത കുറയ്ക്കുമെന്നും ചൂണ്ടിക്കാട്ടി. ഹൈക്കോടതി നിർദേശത്തിന്റെ അടിസ്ഥാനത്തിലാണ് എംവിഡിയുടെ കർശന മുന്നറിയിപ്പ്.
Story Highlights: Kerala government intensifies traffic law enforcement with joint police-MVD checks and strict measures against violators.
മലപ്പുറം വെങ്ങര അരിക്കുളത്ത് ഓടുന്ന കാറിൽ നിന്ന് രണ്ടുപേർ തെറിച്ചു വീണു. വളവ് Read more
കുവൈറ്റിൽ ട്രാഫിക് നിയമലംഘനങ്ങൾക്കെതിരെ അധികൃതർ നടപടി ശക്തമാക്കി. മെയ് 5 മുതൽ 16 Read more
കുവൈറ്റിൽ ട്രാഫിക് നിയമലംഘനങ്ങൾ മൂലം യാത്രാ വിലക്ക് നേരിടുന്നവർക്ക് പിഴ അടച്ച് വിലക്ക് Read more
ദുബായിൽ ഗതാഗത അവബോധം വളർത്തുന്നതിനായി റോഡ് സേഫ്റ്റി ഫിലിം ഫെസ്റ്റിവൽ എന്ന ഹ്രസ്വചിത്ര Read more
കേരളത്തിലെ ഡ്രൈവിംഗ് സ്കൂളുകളുടെ വിജയശതമാനം 52% ആയി കുറഞ്ഞു. മോട്ടോർ വാഹന വകുപ്പ് Read more
ദുബായിലെ റോഡുകളിൽ 17 നിയമലംഘനങ്ങൾ കണ്ടെത്താൻ സഹായിക്കുന്ന എഐ ക്യാമറകൾ സ്ഥാപിച്ചു. സീറ്റ് Read more
റമദാൻ മാസത്തിൽ ഗതാഗത സുരക്ഷ ഉറപ്പാക്കാൻ ദുബായ് ആർടിഎ ബോധവൽക്കരണ കാമ്പെയിൻ ആരംഭിച്ചു. Read more
കോഴിക്കോട് മാവൂരിൽ 9 വയസ്സുകാരിയെ സ്കൂട്ടറിൽ പുറം തിരിഞ്ഞിരുത്തി ഹെൽമറ്റില്ലാതെ അപകടകരമായി വാഹനമോടിച്ച Read more
റോഡ് സുരക്ഷാ ബോധവൽക്കരണ പരിപാടിയിൽ പങ്കെടുത്ത നടൻ ആസിഫ് അലി, വാഹനങ്ങളിലെ കൂളിംഗ് Read more
റോഡ് നിയമലംഘനങ്ങൾക്ക് തടയിടാൻ ഗതാഗത വകുപ്പ് പുതിയ പരിശീലന പരിപാടി ആരംഭിച്ചു. പത്തനാപുരം Read more
