Heavy rainfall in Kerala: Yellow alert issued in 10 districts

സംസ്ഥാനത്തിന്റെ പല ഭാഗങ്ങളിലും കനത്ത മഴ തുടരുന്നതായി റിപ്പോർട്ടുകൾ. ഇടുക്കി വണ്ണപ്പുറത്തിനടുത്ത് ചീങ്കൽ സിറ്റിയിൽ ഒഴുക്കിൽപ്പെട്ട് ഒരാൾ മരണപ്പെട്ടു. തിരുവനന്തപുരം കാട്ടാക്കടയിൽ കശുവണ്ടി കമ്പനിയുടെ മതിൽ ഇടിഞ്ഞുവീണ് സമീപത്തെ വീട് തകർന്നു.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

വിതുര-ബോണക്കാട് റോഡിൽ മണ്ണിടിച്ചിലുണ്ടായി. ജില്ലയുടെ കിഴക്കൻ മേഖലയിൽ ശക്തമായ മഴ തുടരുന്നു. കൊച്ചിയിലും കനത്ത മഴ തുടരുകയാണ്.

കാക്കനാട്, തൃക്കാക്കര, കളമശേരി മേഖലകളിൽ കാര്യമായ മഴയാണ് പെയ്യുന്നത്. കൊല്ലത്തിന്റെ കിഴക്കൻ മലയോര മേഖലയിൽ പെയ്ത ശക്തമായ മഴയിൽ പല സ്ഥലങ്ങളിലും മലവെള്ളപ്പാച്ചിൽ ഉണ്ടായി. തെന്മല, ഇടപ്പാളയം, കഴുതുരുട്ടി മേഖലകളിൽ മണിക്കൂറുകളോളം തുടർച്ചയായി മഴ പെയ്തു.

കാലാവസ്ഥാ വകുപ്പിന്റെ അറിയിപ്പ് പ്രകാരം, തെക്കൻ-മധ്യ കേരളത്തിൽ മഴ തുടരുമെന്നും 10 ജില്ലകളിൽ യെല്ലോ അലർട്ട് പ്രഖ്യാപിച്ചിട്ടുണ്ട്. ജനങ്ങൾ ജാഗ്രത പാലിക്കേണ്ടതും അധികൃതരുടെ നിർദ്ദേശങ്ങൾ പാലിക്കേണ്ടതുമാണ്. മഴ തുടരുന്ന സാഹചര്യത്തിൽ പ്രളയസാധ്യതയുള്ള പ്രദേശങ്ങളിൽ താമസിക്കുന്നവർ പ്രത്യേകം ശ്രദ്ധിക്കണമെന്ന് അധികൃതർ അറിയിച്ചു.

അങ്കമാലിയിൽ സിസിടിവി ക്യാമറ പദ്ധതിക്ക് തുടക്കം

Story Highlights: Heavy rainfall continues in Kerala, causing casualties and damage

എസ്.ഐ.ആർ ഹർജികൾ സുപ്രീംകോടതി വെള്ളിയാഴ്ച പരിഗണിക്കും