Kerala Health Minister to Meet Union Minister for AIIMS Demand

കേരളത്തിന് എയിംസ് അനുവദിക്കണമെന്ന ആവശ്യവുമായി സംസ്ഥാന ആരോഗ്യമന്ത്രി വീണാ ജോർജ് കേന്ദ്ര ആരോഗ്യമന്ത്രി ജെ പി നദ്ധയെ കാണാനൊരുങ്ങുകയാണ്. ഇന്ന് ഉച്ചയ്ക്ക് ഡൽഹിയിൽ വച്ചാണ് കൂടിക്കാഴ്ച നടക്കുക. കോഴിക്കോട് എയിംസ് അനുവദിക്കണമെന്നതാണ് കേരളത്തിന്റെ പ്രധാന ആവശ്യം.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

അതോടൊപ്പം മുടങ്ങിക്കിടക്കുന്ന എൻഎച്ച്എം ഫണ്ട് അനുവദിക്കണമെന്നും മന്ത്രി ആവശ്യപ്പെടും. എയിംസുമായി ബന്ധപ്പെട്ട വിശദമായ വിവരങ്ങൾ കേന്ദ്രമന്ത്രിക്ക് മുൻപാകെ സമർപ്പിക്കാനാണ് ഉദ്ദേശിക്കുന്നത്. എൻഎച്ച്എം ഫണ്ട് ലഭിക്കാത്തതുമൂലം ആരോഗ്യപ്രവർത്തകരുടെ അടക്കം വേതനം കുടിശികയായിരിക്കുകയാണ്.

കേരളത്തിൽ എയിംസ് നിർമ്മിക്കുന്നത് പരിഗണനയിലാണെന്ന് ജെ പി നദ്ധ രാജ്യസഭയിൽ നേരത്തെ പറഞ്ഞിരുന്നു. എയിംസ് കൂടുതൽ സംസ്ഥാനങ്ങളിലേക്ക് വ്യാപിപ്പിക്കുന്നതിന്റെ ഭാഗമായി കേരളവും പരിഗണനയിലുണ്ടെന്നും അദ്ദേഹം അറിയിച്ചിരുന്നു. കേരളത്തിൽ എയിംസ് സ്ഥാപിക്കപ്പെട്ടാൽ, കുറഞ്ഞ ചെലവിൽ ഉന്നതനിലവാരമുള്ള ചികിത്സ ലഭ്യമാകും.

ആരോഗ്യരംഗത്ത് വിപുലമായ പഠനത്തിനും ഗവേഷണത്തിനും അവസരമൊരുങ്ങുമെന്നതും പ്രധാനമാണ്. 2014-ൽ 200 ഏക്കർ ഭൂമി നൽകിയാൽ കേരളത്തിന് എയിംസ് അനുവദിക്കുമെന്ന് കേന്ദ്രസർക്കാർ പ്രഖ്യാപിച്ചിരുന്നു. 2023 ജൂണിൽ കിനാലൂരിൽ വ്യവസായ വകുപ്പിന്റെ 153 ഏക്കർ ഭൂമിയും 99 ഏക്കർ സ്വകാര്യഭൂമിയും ഏറ്റെടുത്ത് കേന്ദ്രത്തിന് കൈമാറാനുള്ള സർക്കാർ ഉത്തരവ് ഇറങ്ങിയിരുന്നു.

രാജ്യത്ത് ആവശ്യത്തിന് ഇന്ധന സ്റ്റോക്കുണ്ടെന്ന് ഇന്ത്യൻ ഓയിൽ

ഈ സാഹചര്യത്തിലാണ് എയിംസ് അനുവദിക്കണമെന്ന ആവശ്യവുമായി സംസ്ഥാന മന്ത്രി കേന്ദ്രത്തെ സമീപിക്കുന്നത്.

Story Highlights: Kerala Health Minister Veena George to meet Union Health Minister J P Nadda demanding AIIMS for Kerala and release of pending NHM funds

‘എന്റെ കേരളം’ പ്രദർശന വിപണന മേളയ്ക്ക് പത്തനംതിട്ടയിൽ തുടക്കമാകുന്നു