Kerala govt orders intelligence probe into PV Anwar MLA's allegations

പി വി അൻവർ എംഎൽഎയുടെ ആരോപണങ്ങളിൽ നിർണായക നടപടിയുമായി സർക്കാർ രംഗത്തെത്തി. ആരോപണങ്ങൾക്ക് പിന്നിൽ ഗൂഢാലോചനയുണ്ടോയെന്ന് കണ്ടെത്താൻ സംസ്ഥാന ഇന്റലിജൻസ് രഹസ്യാന്വേഷണം നടത്തും. പൊളിറ്റിക്കൽ സെക്രട്ടറി പി ശശി, എഡിജിപി അജിത് കുമാർ എന്നിവരെ ലക്ഷ്യം വെക്കുന്നതിനു പിന്നിലുള്ള ഗൂഢാലോചന അന്വേഷിക്കുമെന്നും സ്വർണ്ണകടത്തു സംഘങ്ങൾക്ക് ഇതിൽ പങ്കുണ്ടോയെന്നും പരിശോധിക്കും.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

മുഖ്യമന്ത്രി പിണറായി വിജയൻ ഇന്നലെ നടത്തിയ വാർത്താസമ്മേളനത്തിൽ അൻവർ ഉന്നയിച്ച ആരോപണങ്ങളിൽ കടുത്ത അതൃപ്തി പ്രകടിപ്പിച്ചു. രൂക്ഷമായ ഭാഷയിൽ അൻവറിനെ വിമർശിച്ച മുഖ്യമന്ത്രി, തന്റെ എതിർപ്പ് പരസ്യമാക്കാൻ ഉറച്ചു നിൽക്കുകയാണ്. എന്നാൽ, മുഖ്യമന്ത്രിയുടെ വാർത്താസമ്മേളനത്തിനു പിന്നാലെ നടത്തിയ മാധ്യമസമ്മേളനത്തിൽ, തന്റെ പോരാട്ടം അവസാനിച്ചിട്ടില്ലെന്ന സൂചന അൻവർ നൽകി.

മുഖ്യമന്ത്രി തെറ്റിദ്ധരിക്കപ്പെട്ടിരിക്കുകയാണെന്ന് അൻവർ പറഞ്ഞെങ്കിലും, വരും ദിവസങ്ങളിൽ നേരിട്ട് മുഖ്യമന്ത്രിക്കെതിരെ തിരിയാനുള്ള സാധ്യതയും ഏറെയാണ്. മുഖ്യമന്ത്രി കൈവിട്ടെങ്കിലും സിപിഐഎം അൻവറിനെ കൈവിടുമോ എന്നതാണ് ഇനി കാത്തിരിക്കുന്നത്. പാർട്ടി അൻവറിനെ തള്ളിപ്പറയാതിരുന്നാൽ, സമ്മേളനകാലത്ത് സിപിഐഎമ്മിൽ പുതിയ സമവാക്യങ്ങൾക്ക് വഴിതെളിയും.

ഭരണത്തിൽ പൂർണത വേണം; മുഖ്യമന്ത്രിയുടെ വാക്കുകൾ

എഡിജിപി എം. ആർ അജിത്ത് കുമാറിനെയും, മുഖ്യമന്ത്രിയുടെ പൊളിറ്റിക്കൽ സെക്രട്ടറി പി. ശശിക്കെതിരെയും അൻവർ തുടങ്ങിവച്ച പോരാട്ടം മുഖ്യമന്ത്രിക്കെതിരെ തിരിയുമോ എന്നതാണ് രാഷ്ട്രീയ ലോകം ഉറ്റുനോക്കുന്നത്.

Story Highlights: Kerala government orders intelligence probe into PV Anwar MLA’s allegations against top officials

ഇ.ഡിയുടെ വിശ്വാസ്യത പ്രധാനമന്ത്രി ഉറപ്പാക്കണം; മുഖ്യമന്ത്രി പിണറായി വിജയൻ