സംസ്ഥാനത്തെ സ്വർണവില വീണ്ടും റെക്കോർഡ് തലത്തിലെത്തി. ഇന്ന് ഒറ്റ ദിവസം കൊണ്ട് 400 രൂപയാണ് വർധിച്ചത്. പവന് 56,800 രൂപ എന്ന എക്കാലത്തെയും ഉയർന്ന നിലവാരത്തിലാണ് സ്വർണവില എത്തിയിരിക്കുന്നത്. ഗ്രാമിന് 50 രൂപ വർധിച്ച് 7100 രൂപയായി ഉയർന്നു.
കഴിഞ്ഞമാസം 27നാണ് 56,800 രൂപയായി ഉയർന്ന് സ്വർണവില റെക്കോർഡിട്ടത്. 57,000 കടന്നും മുന്നേറുമെന്ന് തോന്നിപ്പിക്കുന്ന ഘട്ടത്തിലാണ് സ്വർണവില ഇപ്പോൾ എത്തിനിൽക്കുന്നത്. സെപ്റ്റംബർ മാസത്തിന്റെ തുടക്കത്തിൽ സ്വർണവിലയിൽ ഇടിവ് രേഖപ്പെടുത്തിയിരുന്നെങ്കിലും പിന്നീട് അങ്ങോട്ടേക്ക് കയറ്റിറക്കങ്ങളാണ് ഉണ്ടായത്.
മൂന്ന് ദിവസത്തിനിടെ 400 രൂപ ഇടിഞ്ഞ സ്വർണവിലയാണ് ഇപ്പോൾ തിരിച്ചുകയറിയിരിക്കുന്നത്. സ്വർണവിലയിലെ ഈ അസാധാരണ വർധനവ് വിപണിയിൽ വലിയ ചലനങ്ങൾക്ക് കാരണമായേക്കും. നിക്ഷേപകരും ഉപഭോക്താക്കളും ഈ മാറ്റങ്ങൾ സൂക്ഷ്മമായി നിരീക്ഷിക്കുന്നുണ്ട്.
Story Highlights: Gold price in Kerala surges to record high of Rs 56,800 per sovereign
