Kerala Electricity Officers back anti-drug campaign

ആലപ്പുഴ: ലഹരിവിരുദ്ധ ബോധവൽക്കരണ പരിപാടിയുമായി ട്വന്റി ഫോർ ചീഫ് എഡിറ്റർ R. ശ്രീകണ്ഠൻ നായരുടെ നേതൃത്വത്തിൽ സംഘടിപ്പിക്കുന്ന കേരള യാത്രയ്ക്ക് കേരള ഇലക്ട്രിസിറ്റി ഓഫിസേഴ്സ് കോൺഫെഡറേഷന്റെ പിന്തുണ. കോൺഫെഡറേഷന്റെ സംസ്ഥാന വർക്കിങ് കമ്മിറ്റി യോഗത്തിലാണ് ഈ പിന്തുണ പ്രഖ്യാപിച്ചത്. ട്വന്റി ഫോറുമായി സഹകരിച്ച് ലഹരി വിരുദ്ധ ബോധവൽക്കരണ പരിപാടികൾ സംഘടിപ്പിക്കുമെന്ന് കോൺഫെഡറേഷൻ അറിയിച്ചു.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

കെപിസിസി ജനറൽ സെക്രട്ടറിമാരായ എ.എ. ഷുക്കൂർ, എം.ജെ. ജോബ് എന്നിവർ ലഹരി വിരുദ്ധ സന്ദേശം നൽകി. സമൂഹത്തിൽ സ്വാധീനം ചെലുത്താൻ കഴിവുള്ള വൈദ്യുതി ബോർഡിലെ ഉദ്യോഗസ്ഥർ ലഹരി വിരുദ്ധ പ്രവർത്തനങ്ങളിൽ പങ്കാളികളാകണമെന്ന് എ.എ. ഷുക്കൂർ പറഞ്ഞു.

മാധ്യമരംഗത്ത് നാല്പത് വർഷം പൂർത്തിയാക്കിയ R. ശ്രീകണ്ഠൻ നായരുടെ ലഹരി വിരുദ്ധ പോരാട്ടത്തെ കോൺഫെഡറേഷൻ അഭിനന്ദിച്ചു. കേരളത്തിലെ എല്ലാ ജില്ലകളിലും യാത്ര ചെയ്ത് ലഹരിവിരുദ്ധ പ്രവർത്തനങ്ങൾ നടത്തുന്നതിന് പിന്തുണ പ്രഖ്യാപിച്ചു.

ജില്ലാ തലത്തിലും ലഹരി വിരുദ്ധ പരിപാടികൾ സംഘടിപ്പിക്കുമെന്ന് കോൺഫെഡറേഷൻ നേതാക്കൾ അറിയിച്ചു. എം.ജെ. ജോബ് ലഹരി വിരുദ്ധ പ്രതിജ്ഞ ചൊല്ലിക്കൊടുത്തു.

വയനാട് ദുരന്തനിവാരണ ഫണ്ട്: കേരള എംപിമാരുടെ ആരോപണങ്ങൾക്ക് അമിത് ഷായുടെ മറുപടി

കോൺഫെഡറേഷൻ പ്രസിഡന്റ് എം.വി. മനോജ്, ജനറൽ സെക്രട്ടറി പി.എസ്. പ്രശാന്ത്, എസ്. നൗഷാദ് തുടങ്ങിയവർ നേതൃത്വം നൽകി. സർക്കാർ ഉദ്യോഗസ്ഥരുടെ പങ്കാളിത്തം ലഹരി വിരുദ്ധ പ്രവർത്തനങ്ങൾക്ക് കരുത്ത് പകരുമെന്ന് നേതാക്കൾ അഭിപ്രായപ്പെട്ടു.

Story Highlights: Kerala Electricity Officers Confederation supports Twenty Four Chief Editor’s anti-drug campaign across Kerala.

സിപിഐഎം സംഘടനാ രേഖ: യുവജന പ്രവേശനം കുറയുന്നതിൽ ആശങ്ക