Kerala Christmas Exam Paper Leak: 7 Questioned, Investigation Intensifies

കൊടുവള്ളി ചക്കാലക്കൽ ഹയർ സെക്കന്ററി സ്കൂളിലെ ക്രിസ്മസ് പരീക്ഷാ ചോദ്യപേപ്പർ ചോർച്ചയുമായി ബന്ധപ്പെട്ട് അന്വേഷണം തീവ്രമാകുന്നു. ഏഴ് പേരുടെ മൊഴി രേഖപ്പെടുത്തിയതായി അധികൃതർ അറിയിച്ചു. സ്കൂളിലെ മൂന്ന് അധ്യാപകർ, ഡിഇഒ, എഇഒ, ബിആർസി കോഡിനേറ്റർ മഹർഅലി എന്നിവരുടെ മൊഴികളാണ് എടുത്തത്. പ്രത്യേക അന്വേഷണ സംഘം എസ്പി മൊയ്ദീൻ കുട്ടിയുടെ നേതൃത്വത്തിൽ ഇന്ന് യോഗം ചേരും.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

ആരോപണം നേരിടുന്ന എം.എസ് സൊല്യൂഷൻസിൽ നടന്ന ക്രിസ്മസ് പരീക്ഷയുടെ ചോദ്യങ്ങളും വിവാദത്തിൽ പെട്ടിരിക്കുകയാണ്. കെമിസ്ട്രി പരീക്ഷയുടെ 40 മാർക്കിൽ 32 മാർക്കിന്റെ ചോദ്യങ്ങൾ എം.എസ് സൊല്യൂഷൻസിന്റെ ക്ലാസിലേതാണെന്ന് സ്കൂൾ അധ്യാപകർ വ്യക്തമാക്കി. എസ്എസ്എൽസി കെമിസ്ട്രി പരീക്ഷയ്ക്കുള്ള സാധ്യതാ ചോദ്യങ്ങൾ സംബന്ധിച്ച ക്ലാസ് നടന്നിരുന്നതായും അറിയുന്നു.

ക്രൈംബ്രാഞ്ച് വിശദമായ അന്വേഷണത്തിന് ഒരുങ്ങുകയാണ്. എംഎസ് സോല്യൂഷൻസ് സിഇഒ ഷുഹൈബിന്റെ മൊഴി ഉടൻ രേഖപ്പെടുത്തുമെന്ന് അറിയുന്നു. ഓൺലൈൻ പ്ലാറ്റ്ഫോമുകളിൽ വന്ന സാധ്യതാ ചോദ്യങ്ങൾ നോക്കിയാണ് വീഡിയോ തയ്യാറാക്കിയതെന്നാണ് ആരോപണവിധേയനായ അധ്യാപകന്റെ വാദം. അന്വേഷണവുമായി സഹകരിക്കുമെന്നും അദ്ദേഹം വ്യക്തമാക്കി. എസ്.എസ്.എൽ.സി. ഇംഗ്ലീഷ്, പ്ലസ് വൺ ഗണിതം പരീക്ഷകളുടെ ചോദ്യങ്ങളും നേരത്തെ യൂട്യൂബ് ചാനലിലൂടെ പുറത്തുവന്നിരുന്നു. ഈ സംഭവത്തിൽ എംഎസ് സൊല്യൂഷൻ സ്ഥാപനത്തിനെതിരെ കേസെടുക്കുന്നതിൽ പ്രാഥമിക അന്വേഷണത്തിന് ശേഷം തീരുമാനമെടുക്കുമെന്ന് അധികൃതർ അറിയിച്ചു.

സൂംബ നൃത്തത്തെ വിമർശിച്ച അധ്യാപകനെതിരെ നടപടിക്ക് ഒരുങ്ങി വിദ്യാഭ്യാസ വകുപ്പ്

Story Highlights: Seven people questioned in Christmas exam question paper leak case

അയ്യങ്കാളി ടാലന്റ് സെർച്ച് സ്കീം: അപേക്ഷകൾ ക്ഷണിച്ചു