Kerala Asha Workers Continue Strike Despite Govt Payout

ആശാ വർക്കർമാരുടെ സമരം ഒൻപതാം ദിവസത്തിലേക്ക് കടന്നപ്പോൾ സർക്കാർ രണ്ട് മാസത്തെ വേതനം അനുവദിച്ചു. 52. 85 കോടി രൂപയാണ് അനുവദിച്ചത്.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

എന്നാൽ മുഴുവൻ ആവശ്യങ്ങളും നേടിയെടുക്കാതെ സമരത്തിൽ നിന്ന് പിന്മാറില്ലെന്ന് ആശാ വർക്കർമാർ വ്യക്തമാക്കി. സർക്കാർ പറയുന്നത് പോലെ 13,200 രൂപ ലഭിക്കുന്നില്ലെന്നും 7,000 രൂപ പോലും ലഭിക്കാത്ത ആശാ വർക്കർമാർ ഉണ്ടെന്നും സമരക്കാർ പറഞ്ഞു. 7,000 രൂപയാണ് ഓണറേറിയം, ബാക്കി ഇൻസെന്റീവ് ആയിട്ടാണ് നൽകുന്നതെന്നും അത് പോലും മാനദണ്ഡങ്ങൾ പ്രകാരം ലഭിക്കുന്നില്ലെന്നും സമരക്കാർ പറഞ്ഞു.

1500 രൂപ വരെ മാത്രം ലഭിക്കുന്ന ആശാ വർക്കർമാരുണ്ടെന്നും അവർ ചൂണ്ടിക്കാട്ടി. മറ്റ് സംസ്ഥാനങ്ങളെ അപേക്ഷിച്ച് കേരളത്തിലെ ആശാ വർക്കർമാർക്ക് ഉയർന്ന ഓണറേറിയമാണ് ലഭിക്കുന്നതെന്ന് സർക്കാർ വ്യക്തമാക്കി. എന്നാൽ, വേതന വർധനവ് ഉൾപ്പെടെയുള്ള ആവശ്യങ്ങൾ ഉന്നയിച്ചാണ് ആശാവർക്കർമാർ സമരം ചെയ്യുന്നത്.

വിജയം വരെ സമരം ചെയ്യുമെന്നും ഒരിക്കലും പിരിഞ്ഞുപോകില്ലെന്നും സമരക്കാർ വ്യക്തമാക്കി. വ്യാഴാഴ്ച സെക്രട്ടറിയേറ്റിനു മുന്നിൽ മുഴുവൻ ആശാവർക്കർമാരും പങ്കെടുക്കുന്ന മഹാസംഗമം സംഘടിപ്പിക്കാനും തീരുമാനിച്ചിട്ടുണ്ട്. വിഷയത്തിൽ ഇടപെടണമെന്ന് ആവശ്യപ്പെട്ട് മുഖ്യമന്ത്രിക്ക് ആശാവർക്കർമാരുടെ സംഘടന നിവേദനം നൽകിയിരുന്നു.

സ്വർണ്ണവില കുതിക്കുന്നു; ഒരു പവൻ 73040 രൂപയായി

രണ്ട് മാസത്തെ ഓണറേറിയം സർക്കാർ അനുവദിച്ചെങ്കിലും ആവശ്യങ്ങൾ പൂർണമായും നേടിയെടുക്കുന്നതുവരെ സമരം അവസാനിപ്പിക്കില്ലെന്നാണ് ആശാ വർക്കർമാരുടെ നിലപാട്.

Story Highlights: Asha workers in Kerala continue their strike, demanding higher wages and better working conditions, despite the government’s recent disbursement of two months’ pay.

മേരാ യുവ ഭാരത് പോര്ട്ടലില് ഇന്റേണ്ഷിപ്പ്; MBA പ്രവേശനവുമായി ബന്ധപ്പെട്ട വിവരങ്ങളും