KEAM Engineering Mock Test from April 16-19

കൈറ്റ് വിക്ടേഴ്സ് ചാനലിലും യൂട്യൂബിലുമായി കഴിഞ്ഞ അഞ്ച് മാസമായി നൽകിവരുന്ന ക്ലാസുകളുടെ തുടർച്ചയായാണ് ഈ മോക് ടെസ്റ്റ് ഒരുക്കിയിരിക്കുന്നത്. കീം (KEAM) വിഭാഗത്തിൽ രജിസ്റ്റർ ചെയ്തവർക്ക് ഏപ്രിൽ 16 മുതൽ 19 വരെ എഞ്ചിനീയറിംഗ് വിഭാഗത്തിലെ മോഡൽ പരീക്ഷ എഴുതാം. ഫിസിക്സ് 45, കെമിസ്ട്രി 30, മാത്സ് 75 എന്നിങ്ങനെയാണ് ചോദ്യഘടന.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

പുതുതായി രജിസ്റ്റർ ചെയ്യുന്ന സർക്കാർ-എയ്ഡഡ് സ്കൂളുകളിലെ കുട്ടികൾക്കും മോക് ടെസ്റ്റിനുള്ള അവസരം നൽകുമെന്ന് കൈറ്റ് സി.ഇ.ഒ. കെ.അൻവർ സാദത്ത് അറിയിച്ചു. entrance.kite.kerala.gov.in എന്ന സൈറ്റിൽ രജിസ്റ്റർ ചെയ്തിട്ടുള്ളവർക്ക് മോക് ടെസ്റ്റിൽ പങ്കാളികളാകാം. കീം പരീക്ഷയുടെ മാതൃകയിൽ 150 ചോദ്യങ്ങളാണ് ഉണ്ടാകുക.

കുട്ടികൾക്ക് ഈ ദിവസങ്ങളിൽ സൗകര്യപ്രദമായ സമയത്ത് മൂന്ന് മണിക്കൂറാണ് ടെസ്റ്റ്. യൂസർനെയിമും പാസ്വേഡും നൽകി ലോഗിൻ ചെയ്താൽ ‘എക്സാം’ എന്ന വിഭാഗത്തിൽ ‘മോക്/മോഡൽ പരീക്ഷ’ ക്ലിക്ക് ചെയ്ത് പരീക്ഷയിൽ പങ്കുചേരാം. മെഡിക്കൽ എൻട്രൻസ് മോഡൽ പരീക്ഷ പിന്നീട് നടത്തും.

ഓരോ യൂണിറ്റിനും ശേഷം ആവശ്യാനുസരണം ടെസ്റ്റുകൾ എടുക്കാനുള്ള അവസരം നേരത്തെ നൽകിയിരുന്നു. മോക് ടെസ്റ്റിന്റെ സർക്കുലർ പോർട്ടലിൽ ലഭ്യമാണ്. 300ഓളം വീഡിയോ ക്ലാസുകൾ ടെലികാസ്റ്റ് ചെയ്തിട്ടുണ്ട്. ഇവ entrance.kite.kerala.gov.in പോർട്ടലിൽ കാണുന്നതിനും സൗകര്യമുണ്ട്.

കരുവന്നൂർ ബാങ്ക് തട്ടിപ്പ്: രാഷ്ട്രീയ നേതാക്കൾക്കെതിരെയും അന്വേഷിക്കാൻ ഹൈക്കോടതി നിർദേശം

നിലവിൽ 52020 കുട്ടികൾ പരിശീലനത്തിന് രജിസ്റ്റർ ചെയ്തിട്ടുണ്ട്. എല്ലാ യൂണിറ്റുകളെയും ഉൾപ്പെടുത്തിയാണ് ഇപ്പോൾ എഞ്ചിനീയറിംഗ് മോഡൽ പരീക്ഷ നടത്തുന്നത്. കുട്ടികൾക്ക് പരീക്ഷ എഴുത്ത് ആസൂത്രണം ചെയ്യുന്നതിനും സ്വയം വിലയിരുത്തുന്നതിനുമാണ് ഇത് ചിട്ടപ്പെടുത്തിയിരിക്കുന്നത്.

Story Highlights: KITE offers free KEAM engineering mock tests for registered students from April 16-19.

മഞ്ചേരി മെഡിക്കൽ കോളേജിൽ പാരാമെഡിക്കൽ പ്രവൃത്തി പരിചയത്തിന് അപേക്ഷ ക്ഷണിച്ചു