സംസ്ഥാനത്ത് ഞായറാഴ്ച്ച ലോക്ഡൗൺ പുനഃസ്ഥാപിച്ചു.

സംസ്ഥാനത്ത് ഞായറാഴ്ച്ച ലോക്ഡൗൺ പുനഃസ്ഥാപിച്ചു. കഴിഞ്ഞ രണ്ടാഴ്ചകളിലുമായി സംസ്ഥാനത്ത് നിശ്ചയിച്ചിരിക്കുന്ന ഞായറാഴ്ച്ച ലോക്ഡൗൺ ഒഴിവാക്കിയിരുന്നു. ഓണം പ്രമാണിച്ചും സ്വാതന്ത്ര്യ ദിനത്തോടനുബന്ധിച്ചുമാണ് കഴിഞ്ഞ ഞായറാഴ്ചകളിലെ ലോക്ഡൗൺ ഒഴിവാക്കിയത്.

മുഖ്യമന്ത്രി പിണറായി വിജയന്റെ അധ്യക്ഷതയിൽ ചേർന്ന അവലോകന യോഗത്തിലാണ് ഞായറാഴ്ചകളിലെ ലോക്ഡോൺ പുനഃസ്ഥാപിക്കാൻ തീരുമാനമായത്. അതേസമയം കടകൾക്കും പൊതുസ്ഥലങ്ങളിലും നൽകിയിരുന്ന ഇളവുകൾ അതേപോലെ തുടരും.

എന്നാൽ സംസ്ഥാനത്ത് കൂടുതൽ ഇളവുകൾ ഉണ്ടായിരിക്കില്ല. വാക്സിനേഷൻ ത്വരിതപ്പെടുത്തുക, പരിശോധനകളുടെ എണ്ണം കൂട്ടുക എന്നീ വിഷയങ്ങളും അവലോകനയോഗത്തിൽ ചർച്ചയായി. നിയന്ത്രണങ്ങൾ നിലനിർത്തിക്കൊണ്ട് കോവിഡ് വ്യാപനം പിടിച്ചുനിർത്തുന്നതിലാണ് സർക്കാർ ശ്രദ്ധ ചെലുത്തുന്നത്.

Story Highlights: Govt. About Sunday Lockdown in kerala.