പാർട്ടി നോക്കണ്ട, സുരേഷ് ഗോപി സല്യൂട്ടിനർഹൻ: കെ. ബി. ഗണേഷ് കുമാർ.

കേരള കോൺഗ്രസ് ബി ചെയർമാനും എംഎൽഎയുമായ കെബി ഗണേഷ് കുമാർ എംഎൽഎ സുരേഷ്ഗോപിയെ പിന്തുണച്ച് രംഗത്ത്.

 കഴിഞ്ഞദിവസം തന്നെ സല്യൂട്ട് ചെയ്യാതിരുന്ന പോലീസ് ഓഫീസറെ സുരേഷ് ഗോപി വിളിച്ചു വരുത്തി സല്യൂട്ട് ചെയ്തിരുന്നു. സല്യൂട്ട് ചെയ്യുന്നതിന് പാർട്ടി നോക്കേണ്ടെന്നും വ്യക്തിയെയല്ല മറിച്ച് ഇന്ത്യൻ പാർലമെന്റിൽ അംഗമായ ഒരാളെ പോലീസുദ്യോഗസ്ഥൻ സല്യൂട്ട് ചെയ്യുന്നത് മര്യാദയാണെന്ന് ഗണേഷ്കുമാർ എംഎൽഎ പറഞ്ഞു.

 പ്രോട്ടോകോൾ ഉണ്ടാക്കുന്നത് പോലീസ് സംഘടനയാണെന്നും ഇങ്ങനെയൊരു ഈഗോ  പോലീസുകാർ മനസ്സിൽ കൊണ്ടു നടക്കരുതെന്നും കെബി ഗണേഷ് കുമാർ എംഎൽഎ അഭിപ്രായപ്പെട്ടു.

കൂടാതെ സുരേഷ് ഗോപിക്ക് മാത്രമായി സല്യൂട്ട് നിഷേധിക്കേണ്ടതില്ലെന്ന് പറയുകയും പ്രോട്ടോകോൾ നോക്കിയാൽ വാദപ്രതിവാദങ്ങൾ ഉണ്ടാകുമെന്നും അദ്ദേഹം പറഞ്ഞു.

Story Highlights: KB Ganesh Kumar MLA Supports Suresh Gopi MP.