Kattappana investor suicide: 3 bank employees suspended

കട്ടപ്പന റൂറൽ ഡെവലപ്പ്മെൻറ് കോ-ഒപ്പറേറ്റീവ് സൊസൈറ്റിയുടെ മുന്നിൽ ആത്മഹത്യ ചെയ്ത നിക്ഷേപകൻ സാബുവിന്റെ മരണത്തിൽ സൊസൈറ്റി ഭരണസമിതി കർശന നടപടികൾ സ്വീകരിച്ചു. ആരോപണവിധേയരായ മൂന്ന് ജീവനക്കാരെ ഭരണസമിതി സസ്പെൻഡ് ചെയ്തതായി അറിയിച്ചു. സൊസൈറ്റി സെക്രട്ടറി റെജി എബ്രഹാം, സീനിയർ ക്ലർക്ക് സുജ മോൾ, ജൂനിയർ ക്ലർക്ക് ബിനോയ് എന്നിവരാണ് സസ്പെൻഷനിലായത്. സാബുവിന്റെ ആത്മഹത്യാക്കുറിപ്പിൽ ഈ മൂന്നു പേരുടെയും പേരുകൾ ഉണ്ടായിരുന്നു എന്നത് ശ്രദ്ധേയമാണ്.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

എന്നാൽ, ഈ നടപടി കുറ്റക്കാരാണെന്ന് കണ്ടല്ല, മറിച്ച് അന്വേഷണത്തിന്റെ ഭാഗമായാണെന്ന് ബാങ്ക് അധികൃതർ വ്യക്തമാക്കി. അതേസമയം, ബാങ്കിലെ മറ്റു ജീവനക്കാരുടെ മൊഴികൾ രേഖപ്പെടുത്തിയെങ്കിലും ആരോപണ വിധേയരായവരുടെ മൊഴി എടുക്കാൻ പൊലീസ് ഇതുവരെ മുന്നോട്ടു വന്നിട്ടില്ല. ഇത് സിപിഐഎം സംരക്ഷണം മൂലമാണെന്ന ആരോപണം ഉയർന്നിട്ടുണ്ട്.

സാബുവിന്റെ ഭാര്യ മേരിക്കുട്ടിയുടെ മൊഴി പൊലീസ് രേഖപ്പെടുത്തിയിട്ടുണ്ട്. ബാങ്ക് ജീവനക്കാരും സിപിഐഎം മുൻ ഏരിയ സെക്രട്ടറി വി ആർ സജിയും സാബുവിനോട് മോശമായി പെരുമാറിയതായി അവർ മൊഴി നൽകി. നിക്ഷേപം തിരികെ ലഭിക്കാത്തതും ഭാര്യയുടെ ചികിത്സയ്ക്കായി ആവശ്യപ്പെട്ട തുക നിഷേധിച്ചതും സാബുവിനെ മാനസികമായി തളർത്തിയതായി വ്യക്തമാകുന്നു. ഈ സംഭവത്തിൽ ബിജെപിയും കോൺഗ്രസും പ്രതിഷേധം ശക്തമാക്കാൻ തീരുമാനിച്ചിട്ടുണ്ട്.

ഭൂട്ടാൻ വാഹനക്കടത്ത് കേസ്: മാഹിൻ അൻസാരിയെ വീണ്ടും ചോദ്യം ചെയ്യും

Story Highlights: Suicide of investor in Kattappana; 3 employees of the bank were suspended

കട്ടപ്പനയിൽ മാലിന്യക്കുഴി വൃത്തിയാക്കുന്നതിനിടെ മൂന്ന് തൊഴിലാളികൾ മരിച്ചു