Man's Home Attacked After Reporting Drug Sales to Police in Kasaragod

ലഹരിമരുന്ന് വിൽപ്പനയെക്കുറിച്ച് പോലീസിന് വിവരം നൽകിയതിന് യുവാവിന്റെ വീടിന് നേരെ ആക്രമണം നടന്നതായി റിപ്പോർട്ട്. കാസർഗോഡ് മാസ്തിക്കുണ്ട് സ്വദേശിയായ സിനാന്റെ വീടാണ് ലഹരിക്കേസ് പ്രതിയും സഹോദരനും ചേർന്ന് ആക്രമിച്ചത്. സിനാനും മാതാവ് സൽമയ്ക്കും ഈ ആക്രമണത്തിൽ പരിക്കേറ്റു.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

തലയ്ക്കും മറ്റ് ശരീര ഭാഗങ്ങൾക്കും പരിക്കേറ്റതായി ഇവർ പറയുന്നു. മാസ്തിക്കുണ്ട് ഒരു വീട് കേന്ദ്രീകരിച്ച് ലഹരി ഉപയോഗവും വിൽപ്പനയും വ്യാപകമാണെന്ന പരാതി നാട്ടുകാർ നേരത്തെ ഉന്നയിച്ചിരുന്നു. ഈ വിവരം പോലീസിന് നൽകിയ ക്ലബ്ബ് പ്രവർത്തകനാണ് സിനാൻ.

ലഹരി ഉപയോഗവുമായി ബന്ധപ്പെട്ട് പരാതി നൽകിയതിനെ തുടർന്നാണ് ആക്രമണമെന്ന് സിനാൻ പറഞ്ഞു. പരാതിയെ തുടർന്ന് രണ്ട് പേരെ പോലീസ് കസ്റ്റഡിയിലെടുത്തിരുന്നു. എന്നാൽ, കസ്റ്റഡിയിലെടുക്കുന്ന സമയത്ത് ലഹരിമരുന്ന് പിടികൂടാൻ പോലീസിന് സാധിച്ചില്ല.

തുടർന്ന് ഇവരെ ജാമ്യത്തിൽ വിടുകയായിരുന്നു. ജാമ്യത്തിൽ പുറത്തിറങ്ങിയ പ്രതികളാണ് സിനാന്റെ വീട്ടിലെത്തി ആക്രമണം നടത്തിയത്. വീട്ടിൽ കയറി ആക്രമിക്കുകയായിരുന്നുവെന്നും സിനാൻ പറഞ്ഞു.

കല്ലാച്ചിയില് കുടുംബത്തിന് നേരെ ആക്രമണം; പത്തു പേര്ക്കെതിരെ കേസ്

ഒരു ക്ലബ്ബിന്റെ പ്രവർത്തകർ ലഹരി ഉപയോഗവുമായി ബന്ധപ്പെട്ട് കഴിഞ്ഞ ദിവസം പരാതി നൽകിയിരുന്നു. പോലീസ് കസ്റ്റഡിയിലെടുത്ത പ്രതികളെ പിന്നീട് പുറത്തിറങ്ങിയെന്നും ഇവർ ആക്രമണം നടത്തിയെന്നും സിനാൻ പറയുന്നു.

Story Highlights: A man’s home in Kasaragod was attacked after he reported drug sales to the police.

കാസർഗോഡ്: യുവാവിൽ നിന്ന് മെത്താഫിറ്റമിൻ പിടിച്ചെടുത്തു