Karuvannur Bank Scam: ED Grants Respite to MP K Radhakrishnan

കൊച്ചി: കരുവന്നൂർ സഹകരണ ബാങ്ക് തട്ടിപ്പ് കേസിൽ സിപിഐഎം നേതാവും എംപിയുമായ കെ. രാധാകൃഷ്ണനെ ചോദ്യം ചെയ്യുന്നതിന് എൻഫോഴ്സ്മെന്റ് ഡയറക്ടറേറ്റ് (ഇഡി) സാവകാശം നൽകി. പാർലമെന്റ് സമ്മേളനത്തിൽ പങ്കെടുക്കുന്നതിനാൽ ഏപ്രിൽ 8-ന് കൊച്ചിയിലെ ഇഡി ഓഫീസിൽ ഹാജരാകാമെന്ന് രാധാകൃഷ്ണൻ അറിയിച്ചതിനെ തുടർന്നാണ് ഈ തീരുമാനം.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

നേരത്തെ രണ്ട് തവണയാണ് ഇഡി ചോദ്യം ചെയ്യലിനായി നോട്ടീസ് നൽകിയിരുന്നത്. ബാങ്കിൽ തട്ടിപ്പ് നടന്ന സമയത്ത് സിപിഐഎം ജില്ലാ സെക്രട്ടറിമാരിൽ ഒരാളായിരുന്നു കെ. രാധാകൃഷ്ണൻ.

കേസിൽ അന്തിമ കുറ്റപത്രം സമർപ്പിക്കുന്നതിന് മുമ്പാണ് അദ്ദേഹത്തെ ചോദ്യം ചെയ്യുന്നത്. ചോദ്യം ചെയ്യലിലെ കാലതാമസം കുറ്റപത്രം സമർപ്പിക്കുന്നതിൽ പ്രതിസന്ധി സൃഷ്ടിച്ചിരുന്നു. 324 കോടി രൂപയുടെ തട്ടിപ്പ് നടന്ന കരുവന്നൂർ സഹകരണ ബാങ്ക് ഇപ്പോഴും സാമ്പത്തിക പ്രതിസന്ധിയിലാണ്.

ഇഡി 53 പേരെ പ്രതികളാക്കിയ കേസിൽ ക്രൈംബ്രാഞ്ച് 13 പേരെ മാത്രമാണ് പ്രതിചേർത്തിട്ടുള്ളത്. ഇഡി 128 കോടി രൂപ വിലമതിക്കുന്ന വസ്തുവകകൾ കണ്ടുകെട്ടിയിട്ടുണ്ട്. ഇതിൽ രണ്ട് കോടി രൂപയും വാഹനങ്ങളും ബാക്കിയുള്ളവ സ്ഥലങ്ങളുമാണ്.

കെ. സുരേന്ദ്രൻ ബിജെപി സംസ്ഥാന അധ്യക്ഷ സ്ഥാനമൊഴിഞ്ഞു

Story Highlights: In the Karuvannur Co-operative Bank fraud case, the Enforcement Directorate (ED) has granted respite to CPI(M) leader and MP K Radhakrishnan for questioning.

കൊടകര കേസ്: ഇഡി ബിജെപിയുടെ ഏജൻസി, കുറ്റപത്രം തിരുത്തിയെഴുതിയെന്ന് എം വി ഗോവിന്ദൻ