കർണാടകയിലെ ചിക്കമംഗളൂരുവിൽ സ്ഥിതി ചെയ്യുന്ന ദേവിരമ്മ മലയിലെ ക്ഷേത്രത്തിൽ അപകടം സംഭവിച്ചു. ദീപാവലി ഉത്സവത്തോടനുബന്ധിച്ച് നിയന്ത്രണങ്ങളിൽ താൽക്കാലിക ഇളവ് വരുത്തിയതിനെ തുടർന്ന് നിരവധി തീർത്ഥാടകർ മലയിലേക്ക് എത്തിയിരുന്നു. എന്നാൽ ഇന്നലെ പെയ്ത കനത്ത മഴയെ തുടർന്ന് മലമുകളിൽ ചെളി നിറഞ്ഞിരുന്നു.
തീർത്ഥാടകർ മല കയറുന്നതിനിടെ ചെളിയിൽ കാൽ വഴുതി വീണും, തിക്കിലും തിരക്കിലും പെട്ടും 12 പേർക്ക് പരിക്കേറ്റു. കൂടാതെ നിരവധി തീർത്ഥാടകർ മലമുകളിൽ കുടുങ്ങിക്കിടക്കുന്നതായും റിപ്പോർട്ടുകളുണ്ട്. സ്ഥിതിഗതികൾ നിയന്ത്രണവിധേയമാക്കാൻ കൂടുതൽ പൊലീസ് സേനയെ സ്ഥലത്തേക്ക് നിയോഗിച്ചിട്ടുണ്ട്.
നരക ചതുർദശി ദിവസമായ ഇന്ന് ആയിരക്കണക്കിന് പേരാണ് മല കയറാനെത്തിയത്. സാധാരണ ഗതിയിൽ ദേവിരമ്മ മലയിലേക്ക് പ്രവേശിക്കാൻ വനംവകുപ്പിന്റെ പാസ്സും അനുമതിയും ആവശ്യമായിരുന്നു. എന്നാൽ ഉത്സവത്തിന്റെ ഭാഗമായി ഈ നിയന്ത്രണങ്ങളിൽ ഇളവ് വരുത്തിയിരുന്നു. ഇതാണ് അപകടത്തിന് കാരണമായത്.
Story Highlights: Karnataka temple accident: 12 injured, many stranded on hilltop due to heavy rain and overcrowding
