Karipur Hajj Travel Rates Spike: Minister Seeks Equalization

കരിപ്പൂർ വിമാനത്താവളത്തിൽ നിന്നുള്ള ഹജ്ജ് യാത്രക്കുള്ള നിരക്ക് വീണ്ടും ഉയർന്നതായി റിപ്പോർട്ട്. എയർ ഇന്ത്യയുടെ ടെൻഡറിൽ കരിപ്പൂരിൽ നിന്നുള്ള യാത്രക്ക് 1,25,000 രൂപയാണ് നിരക്ക്. ഇത് കണ്ണൂർ വിമാനത്താവളത്തിലെ 87,000 രൂപയേക്കാളും കൊച്ചിയിലെ 86,000 രൂപയേക്കാളും വളരെ കൂടുതലാണ്.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

ഇതോടെ കരിപ്പൂരിൽ നിന്നുള്ള ഹജ്ജ് യാത്രക്ക് മറ്റ് സ്ഥലങ്ങളെ അപേക്ഷിച്ച് 40,000 രൂപയോളം അധികം ചെലവാകും. ഈ അമിത നിരക്ക് ഒഴിവാക്കി കേരളത്തിലെ എല്ലാ ഹജ്ജ് എംബാർക്കേഷൻ പോയിന്റുകളിൽ നിന്നുമുള്ള വിമാന യാത്രാനിരക്ക് ഏകീകരിക്കണമെന്ന് ആവശ്യപ്പെട്ട് മന്ത്രി വി. അബ്ദുറഹിമാൻ കേന്ദ്ര ന്യൂനപക്ഷ കാര്യ മന്ത്രി കിരൺ റിജിജുവിനും കേന്ദ്ര വ്യോമയാന മന്ത്രി റാം മോഹൻ നായിഡുവിനും കത്തയച്ചു.

മൂന്ന് എംബാർക്കേഷൻ പോയിന്റുകളിൽ നിന്നുമുള്ള സർവീസിനായി വിമാന കമ്പനികളിൽ നിന്ന് ടെൻഡർ ക്ഷണിച്ചിട്ടുണ്ടെന്നും, ടെൻഡർ ഉറപ്പിക്കുന്നതിന് മുൻപ് യാത്രാനിരക്ക് സംബന്ധിച്ച് ഇടപെടൽ നടത്തണമെന്നും കത്തിൽ ആവശ്യപ്പെട്ടിട്ടുണ്ട്. 2025-ലെ ഹജ്ജ് തീർത്ഥാടനത്തിനുള്ള ഒരുക്കങ്ങൾ ആരംഭിച്ചിട്ടുണ്ട്. കേരളത്തിൽ നിന്ന് 15,231 പേരാണ് തെരഞ്ഞെടുക്കപ്പെട്ടിട്ടുള്ളത്.

വഖഫ് ബിൽ: സഭയുടെ നിലപാട് ശരിയാണെന്ന് ആർച്ച്ബിഷപ് മാർ ജോസഫ് പാംപ്ലാനി

ഇതിൽ 5,755 പേർ കോഴിക്കോട് നിന്നും, 4,026 പേർ കണ്ണൂരിൽ നിന്നും, 5,422 പേർ കൊച്ചിയിൽ നിന്നും യാത്ര തിരിക്കും. ഈ തീർത്ഥാടകരിൽ യാത്രാനിരക്കിന്റെ പേരിൽ അമിതഭാരം അടിച്ചേൽപ്പിക്കുന്ന സാഹചര്യം ഒഴിവാക്കണമെന്നും, അതിനായി കേന്ദ്ര സർക്കാർ അടിയന്തിരമായി ഇടപെടണമെന്നും മന്ത്രി വി. അബ്ദുറഹിമാൻ കത്തിൽ ആവശ്യപ്പെട്ടു.

Story Highlights: Karipur Airport faces steep hike in Hajj travel rates, Minister seeks fare equalization across Kerala

അമ്മയെ രക്ഷിക്കാനുള്ള ശ്രമത്തിനിടെ യുവാവിന് കാട്ടാനയുടെ കുത്തേറ്റു മരിച്ചു