Kannur University's Record-Breaking Degree Result Publication

കണ്ണൂർ സർവകലാശാലയുടെ നാലുവർഷ ബിരുദ പരീക്ഷാഫലം റെക്കോർഡ് വേഗത്തിൽ പ്രസിദ്ധീകരിച്ചതിനെ പ്രശംസിച്ച് ഉന്നതവിദ്യാഭ്യാസ-സാമൂഹ്യനീതി മന്ത്രി ഡോ. ആർ ബിന്ദു രംഗത്തെത്തി. അവസാന പരീക്ഷ കഴിഞ്ഞ് എട്ടു ദിവസത്തിനകം ഫലം പ്രസിദ്ധീകരിച്ചത് ചരിത്രനേട്ടമാണെന്ന് മന്ത്രി അഭിപ്രായപ്പെട്ടു. ഡിസംബർ 19-ന് ഫലം പ്രസിദ്ധീകരിക്കാൻ തീരുമാനിച്ചതാണ് യാതൊരു കാലതാമസവുമില്ലാതെ നടപ്പിലാക്കിയത്. ഉന്നതവിദ്യാഭ്യാസ മേഖലയിൽ നടപ്പിലാക്കിയ സമഗ്രപരിഷ്കരണത്തിന്റെ ഭാഗമായി കൊണ്ടുവന്ന കെ റീപ് സംവിധാനത്തിന്റെ വിജയം കൂടിയാണിതെന്ന് മന്ത്രി ചൂണ്ടിക്കാട്ടി.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

സർവകലാശാലയിൽ വിദ്യാർത്ഥികൾക്ക് ഫലം എളുപ്പത്തിൽ ലഭ്യമാക്കാൻ വിപുലമായ സൗകര്യങ്ങളാണ് ഒരുക്കിയിരിക്കുന്നത്. ഏകദേശം 51 പ്രോഗ്രാമുകളുടെ ഫലം വിദ്യാർത്ഥികൾക്ക് ലഭ്യമാക്കാനാണ് ഈ സംവിധാനം. പ്രിൻസിപ്പാളിന്റെ പ്രൊഫൈലിൽ കോളേജിന്റെ സമഗ്ര ഫലവും, വിദ്യാർത്ഥികളുടെ പ്രൊഫൈലിലും മൊബൈൽ ആപ്പിലും അവരുടെ വ്യക്തിഗത ഫലവും കാണാൻ സാധിക്കും. സർവർ തടസ്സങ്ങൾ ഒഴിവാക്കാൻ വിവിധ പ്രോഗ്രാമുകളുടെ ഫലം വ്യത്യസ്ത സമയങ്ങളിലായി പ്രസിദ്ധീകരിക്കുന്ന രീതിയിൽ ഓട്ടോമാറ്റിക് ഷെഡ്യൂളിംഗ് നടപ്പിലാക്കിയിട്ടുണ്ട്.

ഡിസംബർ 19-ന് രാത്രിയോടെ എല്ലാ വിദ്യാർത്ഥികൾക്കും ഫലം ലഭ്യമാകുന്ന രീതിയിലാണ് ഈ ഷെഡ്യൂളിംഗ് ക്രമീകരിച്ചിരിക്കുന്നത്. ദേവമാത കോളേജ് പ്രിൻസിപ്പാൾ എം ജെ മാത്യുവിന്റെ ഔദ്യോഗിക പ്രൊഫൈലിൽ ലഭ്യമായ കോളേജ് റിസൾട്ടാണ് ഫലം ചോർന്നുവെന്ന പേരിൽ പ്രചരിക്കുന്നതെന്നും, ഇത് സർവകലാശാലയുടെ ഔദ്യോഗിക ഫലം തന്നെയാണെന്നും മന്ത്രി ഡോ. ബിന്ദു വ്യക്തമാക്കി. സർക്കാർ വിഭാവനം ചെയ്ത രീതിയിൽ നാലുവർഷ ബിരുദ പരീക്ഷയുടെ ഫലം സമയബന്ധിതമായി പ്രസിദ്ധീകരിച്ച സർവകലാശാലാ നേതൃത്വത്തെ മന്ത്രി പ്രത്യേകം അഭിനന്ദിച്ചു.

എമ്പുരാൻ വിവാദം: ഹൈക്കോടതിയെ സമീപിച്ച ബിജെപി നേതാവിന് സസ്പെൻഷൻ

Story Highlights: Kannur University publishes four-year degree results in record time, praised by Higher Education Minister Dr. R. Bindu

ആറ് വയസുകാരന്റെ മരണം കൊലപാതകം; അയൽവാസി അറസ്റ്റിൽ