Drama Troupe's Vehicle Accident in Kannur: 2 Dead, 12 Injured

കണ്ണൂര് കേളകം മലയംപടി എസ് വളവില് നാടക സംഘം സഞ്ചരിച്ച വാഹനം അപകടത്തില്പ്പെട്ട് രണ്ട് പേര് മരിച്ചു. ഇന്ന് പുലര്ച്ചെ നാല് മണിയോടെയാണ് ദാരുണമായ അപകടം സംഭവിച്ചത്. കായംകുളം ദേവാ കമ്യൂണിക്കേഷന് എന്ന നാടക സംഘത്തിലെ അംഗങ്ങള് സഞ്ചരിച്ച മിനി ബസാണ് താഴ്ചയിലേക്ക് മറിഞ്ഞത്.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

അപകടത്തില് കായംകുളം മുതുകുളം സ്വദേശി അഞ്ജലി (32), കരുനാഗപ്പള്ളി തേവലക്കര സ്വദേശിനി ജെസി മോഹന് എന്നിവരാണ് മരണമടഞ്ഞത്. കൂടാതെ 12 പേര്ക്ക് പരിക്കേറ്റിട്ടുണ്ട്. നാടകം കഴിഞ്ഞ ശേഷം ബത്തേരിയിലേക്ക് മടങ്ങുന്നതിനിടെയാണ് അപകടം സംഭവിച്ചത്.

ബസില് ആകെ 14 പേരാണ് ഉണ്ടായിരുന്നത്. അപകടത്തിന്റെ കാരണം വ്യക്തമായിട്ടില്ല. പരിക്കേറ്റവരെ ആശുപത്രിയില് പ്രവേശിപ്പിച്ചിട്ടുണ്ട്. പോലീസ് സ്ഥലത്തെത്തി അന്വേഷണം ആരംഭിച്ചിട്ടുണ്ട്.