Kannur Collector faces allegations from Naveen Babu's family

കണ്ണൂര് ജില്ലാ കളക്ടര് അരുണ് കെ വിജയന് നവീന് ബാബുവിന് അവധി അനുവദിക്കാന് വിമുഖത കാട്ടിയതായും പത്തനംതിട്ടയിലേക്കുള്ള നവീന്റെ ട്രാന്സ്ഫര് വൈകിപ്പിച്ചതായും ആരോപണം ഉയര്ന്നിരിക്കുകയാണ്. നവീന്റെ ബന്ധുക്കളും സിഐടിയു നേതാവ് മലയാലപ്പുഴ മോഹനനും ഈ ആരോപണം ഉന്നയിച്ചിട്ടുണ്ട്.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

ഈ സാഹചര്യത്തില് കളക്ടറെ കൂടി അന്വേഷണ പരിധിയിലേക്ക് കൊണ്ടുവരണമെന്ന് നവീന് ബാബുവിന്റെ കുടുംബവും സിപിഐഎം പത്തനംതിട്ട ജില്ലാ കമ്മിറ്റിയും ആവശ്യപ്പെടുന്നു. യാത്രയയപ്പ് യോഗത്തില് പങ്കെടുത്ത കൂടുതല് ജീവനക്കാരുടെ മൊഴി പൊലീസ് രേഖപ്പെടുത്തുമെന്ന് അറിയുന്നു.

എഡിഎമ്മിന്റെ ഓഫീസിലെ ജീവനക്കാര് കളക്ടര്ക്കെതിരെ മൊഴി നല്കിയിട്ടുണ്ട്. പി പി ദിവ്യയുടെ പരാമര്ശങ്ങളെക്കുറിച്ച് കളക്ടര്ക്ക് മുന്കൂര് അറിവുണ്ടായിരുന്നുവെന്നും, കളക്ടര് ഇടപെടാതിരുന്നത് ഞെട്ടിപ്പിച്ചുവെന്നും ഉദ്യോഗസ്ഥര് മൊഴി നല്കിയിട്ടുണ്ട്.

ദിവ്യയെ ക്ഷണിച്ചതായി സ്റ്റാഫ് കൗണ്സിലില് ആര്ക്കും അറിവില്ലെന്നും ജീവനക്കാര് വ്യക്തമാക്കി. കളക്ടര്ക്കെതിരെയുള്ള പരാതികളുടെ പശ്ചാത്തലത്തില് അരുണ് കെ വിജയനെ കണ്ണൂര് കളക്ടര് സ്ഥാനത്തുനിന്ന് മാറ്റാന് സാധ്യതയുണ്ട്.

എൻ. പ്രശാന്തിന്റെ ഫേസ്ബുക്ക് പോസ്റ്റ്: ജയതിലകിനെതിരെ വീണ്ടും ആരോപണം

യാത്രയയപ്പ് ദിവസത്തെ വിവാദ പ്രസംഗത്തില് കളക്ടറുടെ പെരുമാറ്റത്തില് നവീന്റെ കുടുംബവും പത്തനംതിട്ട സിപിഐഎമ്മും എഡിഎമ്മിന്റെ ഓഫിസിലെ ചില ഉദ്യോഗസ്ഥരും അതൃപ്തി പ്രകടിപ്പിച്ചിരുന്നു. റവന്യൂ വകുപ്പിന് മുഖ്യമന്ത്രി പിണറായി വിജയന്റെ അനുമതി ലഭിച്ചാലുടന് അരുണ് കെ വിജയനെ മാറ്റുമെന്നാണ് സൂചന.

Story Highlights: Kannur Collector accused of delaying Naveen Babu’s transfer and denying leave

എം.വി. ഗോവിന്ദന്റെ മകനെതിരായ പരാതിയില് സി.പി.ഐ.എം പ്രതിരോധത്തിലോക്ക് ?