Couple Killed in Kannur Elephant Attack, Protests Erupt

ആറളം ഫാമിലെ കാട്ടാനാക്രമണത്തിൽ ദാരുണാന്ത്യം പ്രാപിച്ച ദമ്പതികളുടെ പോസ്റ്റ്മോർട്ടം ഇന്ന് പരിയാരം മെഡിക്കൽ കോളേജിൽ നടക്കും. വെള്ളി (80), ലീല (72) എന്നീ ആറളം സ്വദേശികളാണ് കാട്ടാനയുടെ ആക്രമണത്തിൽ കൊല്ലപ്പെട്ടത്.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

ഈ ദാരുണ സംഭവത്തിൽ പ്രതിഷേധിച്ച് ആറളം പഞ്ചായത്തിൽ യുഡിഎഫും ബിജെപിയും ഹർത്താൽ ആചരിക്കുകയാണ്. കാട്ടാന ശല്യത്തിനെതിരെ ശക്തമായ നടപടികൾ സ്വീകരിക്കണമെന്നും ആനമതിൽ നിർമ്മാണം വേഗത്തിലാക്കണമെന്നും നാട്ടുകാർ ആവശ്യപ്പെട്ടു.

പതിച്ചു നൽകിയിട്ടും ഉപേക്ഷിക്കപ്പെട്ട ഭൂമിയിലെ കാട് വെട്ടിത്തെളിക്കണമെന്നും ഫാമിൽ തമ്പടിച്ച കാട്ടാനകളെ വനത്തിലേക്ക് തിരിച്ചയക്കണമെന്നും നാട്ടുകാർ ആവശ്യപ്പെടുന്നു. കുടുംബത്തിന് 20 ലക്ഷം രൂപ നഷ്ടപരിഹാരം നൽകുമെന്ന് സർക്കാർ പ്രഖ്യാപിച്ചു.

ആദ്യഘട്ട നഷ്ടപരിഹാരം ഇന്ന് തന്നെ കൈമാറുമെന്ന് ജില്ലാ ഭരണകൂടം അറിയിച്ചു. വനം മന്ത്രിയുടെ അധ്യക്ഷതയിൽ ആറളത്ത് ഇന്ന് സർവകക്ഷിയോഗം ചേരും.

കശുവണ്ടി ശേഖരിക്കാനായി പതിമൂന്നാം ബ്ലോക്കിലെ സ്വന്തം ഭൂമിയിലേക്ക് പോയ ദമ്പതികളെ കാണാതായതിനെ തുടർന്ന് നടത്തിയ തിരച്ചിലിലാണ് മൃതദേഹങ്ങൾ കണ്ടെത്തിയത്. ആറളം ആദിവാസി പുനരധിവാസ മേഖലയിൽ വർഷങ്ങളായി കാട്ടാന ശല്യം രൂക്ഷമാണെന്നും നാട്ടുകാർ പറയുന്നു.

അട്ടപ്പാടിയിൽ കടുവ സെൻസസിനിടെ കാട്ടാന ആക്രമണത്തിൽ വനം വകുപ്പ് ജീവനക്കാരൻ കൊല്ലപ്പെട്ടു

Story Highlights: A couple was killed in a wild elephant attack in Aralam Farm, Kannur, leading to protests and demands for action against the increasing elephant menace.