Human Rights Commission probes tribal youth's death in Kalpetta police custody

വയനാട്◾: കൽപറ്റ പോലീസ് സ്റ്റേഷനിലെ ശുചിമുറിയിൽ ആദിവാസി യുവാവ് തൂങ്ങിമരിച്ച സംഭവത്തിൽ മനുഷ്യാവകാശ കമ്മീഷൻ സ്വമേധയാ കേസെടുത്തു. പത്രവാർത്തകളുടെ അടിസ്ഥാനത്തിലാണ് കമ്മീഷൻ ഇടപെട്ടത്. വയനാട് ജില്ലാ പോലീസ് മേധാവി സംഭവത്തെക്കുറിച്ച് അന്വേഷണം നടത്തി 15 ദിവസത്തിനകം റിപ്പോർട്ട് സമർപ്പിക്കണമെന്ന് കമ്മീഷൻ ജുഡീഷ്യൽ അംഗം കെ. ബൈജുനാഥ് നിർദ്ദേശിച്ചു. മേയിൽ സുൽത്താൻ ബത്തേരിയിൽ നടക്കുന്ന സിറ്റിംഗിൽ കേസ് പരിഗണിക്കും.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

പതിനെട്ടു വയസ്സുകാരനായ ഗോകുലിനെയാണ് ചൊവ്വാഴ്ച സ്റ്റേഷനിലെ ശുചിമുറിയിൽ തൂങ്ങിമരിച്ച നിലയിൽ കണ്ടെത്തിയത്. അമ്പലവയൽ നെല്ലാറച്ചാൽ പുതിയപാടി വീട്ടിൽ ഗോകുലിനെ പ്രായപൂർത്തിയാകാത്ത പെൺകുട്ടിയെ കാണാതായ കേസിൽ ബന്ധപ്പെട്ടാണ് കസ്റ്റഡിയിലെടുത്തത്. ഫുൾകൈ ഷർട്ടൂരി ശൗചാലയത്തിലെ ഷവറിൽ കെട്ടിത്തൂങ്ങിയ നിലയിലായിരുന്നു മൃതദേഹം.

കവുങ്ങ് തൊഴിലാളിയായിരുന്നു ഗോകുൽ. കസ്റ്റഡിയിലെടുത്ത യുവാവിന്റെ മരണത്തിൽ വിശദമായ അന്വേഷണം നടത്താനാണ് മനുഷ്യാവകാശ കമ്മീഷന്റെ നിർദേശം. പോലീസ് കസ്റ്റഡിയിലെ മരണം ഗൗരവമായി കാണണമെന്നും കമ്മീഷൻ വ്യക്തമാക്കി.

Story Highlights: A tribal youth died by hanging in a police station bathroom in Kalpetta, Wayanad, leading to a Human Rights Commission investigation.

ചാലക്കുടിയിലെ പുലിയെ മയക്കുവെടി വയ്ക്കാൻ തീരുമാനം

കൽപ്പറ്റ പോലീസ് സ്റ്റേഷനിലെ മരണം: പോലീസിന് വീഴ്ചയെന്ന് റിപ്പോർട്ട്; ദുരൂഹത ആരോപിച്ച് ബന്ധുക്കൾ