Kaloor Stadium Accident: Interim Bail for Accused, Investigation Continues

കലൂർ സ്റ്റേഡിയം അപകടക്കേസിലെ പ്രതികൾക്ക് ഇടക്കാല ജാമ്യം ലഭിച്ചു. രണ്ടാം പ്രതി ഷമീർ അബ്ദുൾ കരീം, നാലാം പ്രതി കൃഷ്ണകുമാർ, അഞ്ചാം പ്രതി ബെന്നി എന്നിവർക്കാണ് മാജിസ്ട്രേറ്റ് കോടതി ജാമ്യം അനുവദിച്ചത്. പ്രതികൾക്കെതിരെ 110 BNS ചുമത്തിയിരുന്നു.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

ജനുവരി 3-ന് പ്രതികളുടെ ജാമ്യാപേക്ഷ വീണ്ടും പരിഗണിക്കും. റിമാൻഡ് റിപ്പോർട്ടിലെ വിവരങ്ങൾ പുറത്തുവന്നതോടെ കേസിന്റെ ഗൗരവം വ്യക്തമായി. ഫയർഫോഴ്സിന്റെ അനുമതിയില്ലാതെയാണ് പ്രതികൾ പരിപാടി സംഘടിപ്പിച്ചതെന്ന് റിപ്പോർട്ടിൽ പറയുന്നു.

അനുമതി ആവശ്യമായ വകുപ്പുകളെ സമീപിക്കാതിരുന്നതും പ്രതികളുടെ ബോധപൂർവമായ വീഴ്ചയായി കണക്കാക്കുന്നു. പ്രതികളെ കസ്റ്റഡിയിൽ ചോദ്യം ചെയ്യണമെന്ന് പോലീസ് ആവശ്യപ്പെട്ടിട്ടുണ്ട്. ജാമ്യം അനുവദിച്ചാൽ കേസന്വേഷണത്തെ ബാധിക്കുമെന്നും പോലീസ് കോടതിയെ അറിയിച്ചു.

കലൂർ സ്റ്റേഡിയത്തിൽ ഉമ തോമസ് എംഎൽഎയ്ക്ക് പരുക്കേറ്റ സംഭവത്തിൽ നൃത്തപരിപാടിയുടെ സംഘാടകരായ മൃദംഗവിഷൻ, ഓസ്കർ ഇവന്റ്സ് എന്നിവയുടെ ഉടമകളോട് കീഴടങ്ങാൻ ഹൈക്കോടതി നിർദേശിച്ചിരുന്നു. വ്യാഴാഴ്ച അന്വേഷണ ഉദ്യോഗസ്ഥന് മുന്നിൽ ഹാജരാകണമെന്നായിരുന്നു നിർദേശം. സംഘാടകർക്കെതിരെ ജാമ്യമില്ലാ കുറ്റം ചുമത്തിയതായി പോലീസ് കോടതിയെ അറിയിച്ചിരുന്നു.

പാലക്കാട് കുളപ്പുള്ളിയിൽ പ്രകാശ് സ്റ്റീൽസിന് മുന്നിൽ സിഐടിയു സംഘർഷം

പരിപാടിയുടെ സാമ്പത്തിക സ്രോതസ്സുകൾ അന്വേഷിക്കാൻ പ്രത്യേക സംഘത്തെ നിയോഗിച്ചിട്ടുണ്ട്. നടി ദിവ്യ ഉണ്ണിയേയും നടൻ സിജു വർഗീസിനെയും ഇതുമായി ബന്ധപ്പെട്ട് ചോദ്യം ചെയ്യുമെന്ന് കൊച്ചി സിറ്റി പൊലീസ് കമ്മീഷണർ പുട്ട വിമലാദിത്യ വ്യക്തമാക്കി. കുട്ടികളിൽ നിന്ന് രജിസ്ട്രേഷന് മാത്രമായി സംഘാടകർ ഈടാക്കിയത് ആയിരത്തോളം രൂപയാണെന്നും, അതിനു പുറമേ ബുക്ക് മൈ ഷോയിലടക്കം ടിക്കറ്റുകൾ വിറ്റിരുന്നതായും അദ്ദേഹം പറഞ്ഞു.

Story Highlights: Interim bail granted to accused in Kaloor Stadium accident case

ഉമ തോമസിന് പരിക്ക്: ഓസ്കാർ ഇവൻ്റ്സ് ഉടമ ജനീഷിന് ജാമ്യം