ദേശീയ മഹിളാ ഫെഡറേഷൻ ജനറൽ സെക്രട്ടറി ആനി രാജയുടെ പരാമർശം തള്ളി സിപിഐ സംസ്ഥാന സെക്രട്ടറി കാനം രാജേന്ദ്രൻ. കേരള പോലീസിനെക്കുറിച്ചു സിപിഐക്ക് പരാതിയില്ലെന്ന് കാനം രാജേന്ദ്രൻ വ്യക്തമാക്കി.
പാർട്ടി ഫോറത്തിലാണ് വിമർശനങ്ങൾ അറിയിക്കേണ്ടത് എന്ന് അദ്ദേഹം കുറ്റപ്പെടുത്തി. അതിനാൽ ആനിരാജക്കെതിരെ ദേശീയ നേതൃത്വത്തിൽ പരാതിപ്പെടുമെന്നും അദ്ദേഹം അറിയിച്ചു.
സ്ത്രീസുരക്ഷയ്ക്കായുള്ള സർക്കാരിന്റെ നയത്തിനെതിരെ കേരള പോലീസിന്റെ ഇടപെടലുണ്ടെന്നും ഇതിനായി ആർഎസ്എസ് ഗാങ് തന്നെ കേരള പോലീസിലുണ്ടെന്നും ആനി രാജ ആരോപിച്ചു.
കൂടാതെ ആറ്റിങ്ങലിൽ നടന്ന സംഭവത്തിൽ പോലീസുകാരിക്കെതിരെ ദളിത് നിയമപ്രകാരം കേസെടുക്കണമെന്നും ആനി രാജ പറഞ്ഞു. സ്ത്രീകൾക്കായി പ്രത്യേക വകുപ്പും മന്ത്രിയും വേണമെന്നും ഇതിനായി മുഖ്യമന്ത്രിയ്ക്ക് കത്ത് നൽകുമെന്നും ആനി രാജ വ്യക്തമാക്കി.
Story Highlights: Kanam Rajendran about Ani Raja’s statement against Kerala police
