K Surendran criticizes CM and opposition leader over PV Anvar's claims

മുഖ്യമന്ത്രി പിണറായി വിജയന് പിവി അന്വര് എംഎല്എയെ പേടിയാണെന്ന് ബിജെപി സംസ്ഥാന അധ്യക്ഷന് കെ സുരേന്ദ്രന് ആരോപിച്ചു. പിവി അന്വറിന്റെ ആരോപണങ്ങളില് മുഖ്യമന്ത്രി മൗനം വെടിയണമെന്ന് സുരേന്ദ്രന് ആവശ്യപ്പെട്ടു. ബിജെപിയോടും ആര്എസ്എസിനോട് രാഷ്ട്രീയ അയിത്തം സൃഷ്ടിക്കാനുള്ള ശ്രമമാണ് നടക്കുന്നതെന്നും അദ്ദേഹം കുറ്റപ്പെടുത്തി.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

അന്വര് ഉന്നയിച്ച ആരോപണങ്ങള് അന്വേഷിച്ച് സത്യം പുറത്തുകൊണ്ടുവരാന് മുഖ്യമന്ത്രിക്കും പ്രതിപക്ഷ നേതാവിനും താത്പര്യമില്ലെന്ന് സുരേന്ദ്രന് പറഞ്ഞു. ഒരു രാഷ്ട്രീയ നിരീക്ഷകനെതിരെ പി വി അന്വര് നടത്തിയ മോശം പരാമര്ശങ്ങള് മാധ്യമങ്ങള് ചര്ച്ച ചെയ്യുന്നില്ലെന്നും അദ്ദേഹം കുറ്റപ്പെടുത്തി.

ആര്എസ്എസിനോട് രാഷ്ട്രീയ അയിത്തം സൃഷ്ടിക്കാനുള്ള നീക്കങ്ങള്ക്ക് പ്രതിപക്ഷ നേതാവ് വി ഡി സതീശനാണ് മുന്നില് നില്ക്കുന്നതെന്നും സുരേന്ദ്രന് ആരോപിച്ചു. പി വി അന്വറും വിശുദ്ധനല്ലെന്നും അദ്ദേഹത്തിനെതിരായ അഴിമതി ആരോപണങ്ങള് കേരളം ചര്ച്ച ചെയ്തതാണെന്നും സുരേന്ദ്രന് ചൂണ്ടിക്കാട്ടി.

തൃശൂര് പൂരം കലക്കി ബിജെപി സ്ഥാനാര്ത്ഥിയ്ക്ക് നേട്ടമുണ്ടാക്കുന്നതിന്റെ ഭാഗമായിട്ടാണ് എഡിജിപി എം ആര് അജിത് കുമാര് ആര്എസ്എസ് നേതാവുമായി കൂടിക്കാഴ്ച നടത്തിയതെന്ന ആരോപണം അദ്ദേഹം പൂര്ണമായി തള്ളി. തൃശൂരില് പൂരം കലക്കിയല്ല സുരേഷ് ഗോപി ജയിച്ചതെന്നും സുരേന്ദ്രന് കൂട്ടിച്ചേര്ത്തു. Story Highlights: BJP state president K Surendran criticizes CM Pinarayi Vijayan and opposition leader VD Satheesan over PV Anvar’s allegations

രാഹുൽ മാങ്കൂട്ടത്തിൽ വിഷയത്തിൽ വിട്ടുവീഴ്ചയില്ലെന്ന് വി ഡി സതീശൻ