K Sudhakaran demands probe into allegations against Ranjith

കെപിസിസി പ്രസിഡന്റ് കെ സുധാകരൻ ചലച്ചിത്ര അക്കാദമി ചെയര്മാൻ രഞ്ജിത്തിനെതിരായ ബംഗാളി നടി ശ്രീലേഖ മിത്രയുടെ ആരോപണം അടിയന്തരമായി അന്വേഷിക്കണമെന്ന് ആവശ്യപ്പെട്ടു. രഞ്ജിത്തിനെ ചെയർമാന് സ്ഥാനത്ത് നിന്ന് മാറ്റണമെന്നും അദ്ദേഹം ആവശ്യപ്പെട്ടു.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

ഹേമാ കമ്മിറ്റി റിപ്പോര്ട്ടിലെ ചില ഭാഗങ്ങള് അടര്ത്തിമാറ്റിയതില് സിനിമേഖലയില് നിന്ന് സര്ക്കാരിന്റെ ഭാഗമായി പ്രവര്ത്തിക്കുന്ന മൂവര് സംഘത്തിന് പങ്കുണ്ടോയെന്ന് പരിശോധിക്കണമെന്നും സുധാകരന് പറഞ്ഞു. സംവിധായകനും അഭിനേതാക്കളും ആയ ചിലര് പിണറായി സര്ക്കാരിന്റെ ഭാഗമായി പ്രവര്ത്തിക്കുന്നുവെന്ന് സുധാകരൻ ആരോപിച്ചു.

അവര് മന്ത്രിയും എംഎല്എയും അക്കാദമിയുടെ ചെയര്മാനുമായി എല്ഡിഎഫ് സര്ക്കാര് സംവിധാനത്തിന്റെ പവര് ഗ്രൂപ്പായി പ്രവര്ത്തിക്കുന്നുവെന്നും അദ്ദേഹം കുറ്റപ്പെടുത്തി. ഹേമാ കമ്മിറ്റി റിപ്പോര്ട്ടില് ലഭിച്ച മൊഴികളുടെയും രേഖകളുടെയും അടിസ്ഥാനത്തില് കേസെടുക്കാന് സര്ക്കാര് തയ്യാറാകണമെന്നും സുധാകരൻ ആവശ്യപ്പെട്ടു.

സിനിമാ മേഖലയിലെ പ്രശ്നപരിഹാരത്തിന് കോണ്ക്ലേവ് എന്ന സര്ക്കാര് നിര്ദ്ദേശം പരിഹാസ്യമാണെന്ന് സുധാകരൻ വിമർശിച്ചു. കുറ്റാരോപിതരെ സംരക്ഷിക്കുന്നതിനായി ജനത്തിന്റെ കണ്ണില്പൊടിയിടുന്ന നടപടിയാണിതെന്നും അദ്ദേഹം കുറ്റപ്പെടുത്തി.

എ. പ്രദീപ് കുമാർ മുഖ്യമന്ത്രിയുടെ പ്രൈവറ്റ് സെക്രട്ടറി; നിയമനം ഉടൻ

ശക്തമായ നിയമ നടപടിയെടുക്കാതെ വേട്ടക്കാരനൊപ്പം ഇരകളെ ഇരുത്തി ഒത്തുതീര്പ്പ് ഫോര്മുല കണ്ടെത്തുകയല്ല സര്ക്കാര് ചെയ്യേണ്ടതെന്നും സുധാകരൻ അഭിപ്രായപ്പെട്ടു. സിനിമാ മേഖലയിലെ പലരും തങ്ങള് നേരിട്ട ദുരനുഭവം പരസ്യമായി പങ്കുവെയ്ക്കാന് തയ്യാറായപ്പോൾ സ്ത്രീ സുരക്ഷ ഉറപ്പാക്കാന് പിണറായി സര്ക്കാരിന് കഴിയാത്തത് നാണക്കേടാണെന്നും അവരുടെ വെളിപ്പെടുത്തലിലും അന്വേഷണം നടത്തണമെന്നും സുധാകരന് ആവശ്യപ്പെട്ടു.

Story Highlights: KPCC President K Sudhakaran demands investigation into actress Sreelekha Mitra’s allegations against Film Academy Chairman Ranjith

സജി ചെറിയാനെ വിമർശിച്ച് ജി. സുധാകരൻ; അറസ്റ്റ് ചെയ്യാൻ പൊലീസ് വരട്ടെ, മുൻകൂർ ജാമ്യമില്ല