K Sudhakaran Denies Rumors of Removal from KPCC President Post

കെപിസിസി പ്രസിഡന്റ് സ്ഥാനത്തുനിന്ന് മാറ്റുമെന്ന വാർത്തകൾ കെ സുധാകരൻ നിഷേധിച്ചു. ഇത്തരം വാർത്തകൾ മാധ്യമസൃഷ്ടിയാണെന്ന് അദ്ദേഹം വ്യക്തമാക്കി. നേതൃമാറ്റം സംബന്ധിച്ച തീരുമാനങ്ങൾ യഥാസ്ഥാനത്ത് എടുക്കുമെന്നും സുധാകരൻ പറഞ്ഞു. നിയമസഭാ തിരഞ്ഞെടുപ്പ് വരെ സുധാകരനെ മാറ്റേണ്ടതില്ലെന്നാണ് ഹൈക്കമാൻഡിന്റെ നിലപാട്.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

എന്നാൽ, കെപിസിസി ഭാരവാഹികളിലും ഡിസിസി അധ്യക്ഷന്മാരിലും വലിയ മാറ്റങ്ങൾ ഉടൻ ഉണ്ടാകുമെന്ന് സൂചനയുണ്ട്. പുനഃസംഘടനയുമായി ബന്ധപ്പെട്ട് ഔദ്യോഗിക ചർച്ചകൾ നടന്നിട്ടില്ലെന്ന് ശശി തരൂർ എംപി വ്യക്തമാക്കി. നിയമസഭാ തിരഞ്ഞെടുപ്പിൽ വൻ വിജയം ലക്ഷ്യമിട്ടുള്ള ‘മിഷൻ 2025’ നുള്ള തയ്യാറെടുപ്പിലാണ് കോൺഗ്രസ് നേതൃത്വം. നിലവിലെ രാഷ്ട്രീയ സാഹചര്യം കോൺഗ്രസിന് അനുകൂലമാണെന്നും വിലയിരുത്തപ്പെടുന്നു.

സമുദായ സമവാക്യം, നേതൃപാടവം, ഉപതിരഞ്ഞെടുപ്പിലെ വിജയം എന്നിവയെല്ലാം സുധാകരന് അനുകൂല ഘടകങ്ങളാണ്. സംഘടനാ ചുമതലയുള്ള എഐസിസി ജനറൽ സെക്രട്ടറി കെസി വേണുഗോപാലുമായും പ്രതിപക്ഷ നേതാവ് വിഡി സതീശനുമായും സുധാകരൻ നല്ല ബന്ധം പുലർത്തുന്നുണ്ട്. സുധാകരൻ മോശം നേതാവാണെന്ന അഭിപ്രായം തനിക്കില്ലെന്നും ശശി തരൂർ എംപി വ്യക്തമാക്കി. ഇതെല്ലാം കെപിസിസി പ്രസിഡന്റ് സ്ഥാനത്ത് സുധാകരൻ തുടരുമെന്ന സൂചനകളാണ് നൽകുന്നത്.

തദ്ദേശ തിരഞ്ഞെടുപ്പ്: പോരായ്മകൾ ചൂണ്ടിക്കാട്ടി പ്രതിപക്ഷ നേതാവ് തിരഞ്ഞെടുപ്പ് കമ്മീഷനുമായി കൂടിക്കാഴ്ച നടത്തി

Story Highlights: K Sudhakaran denies rumors of his removal from KPCC president post, high command decides to retain him until assembly elections.

എൽഡിഎഫ് ഭരണം തുടരുമെന്ന് പാലോട് രവി; ഫോൺ സംഭാഷണം പുറത്ത്