K Sudhakaran accuses CPM of strengthening RSS ties

കെപിസിസി പ്രസിഡന്റ് കെ. സുധാകരൻ എംപി സിപിഐഎമ്മിനെതിരെ ശക്തമായ വിമർശനം ഉന്നയിച്ചു.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

സിപിഐഎമ്മും മുഖ്യമന്ത്രിയും ആർഎസ്എസുമായുള്ള ബന്ധം ശക്തിപ്പെടുത്തുന്നതിന്റെ ഭാഗമായാണ് ന്യൂനപക്ഷ സംഘടനകളോട് അയിത്തം കൽപ്പിക്കുന്നതെന്ന് അദ്ദേഹം ആരോപിച്ചു. നാലു പതിറ്റാണ്ട് കാലത്തെ സൗഹൃദമുണ്ടായിരുന്ന ജമാഅത്ത് ഇസ്ലാമിയെയും 2009ൽ പരസ്യമായി തിരഞ്ഞെടുപ്പ് സഖ്യത്തിലേർപ്പെട്ടിരുന്ന പിഡിപിയെയും പൊടുന്നനവെ തള്ളിപ്പറയുന്നത് സംഘപരിവാർ നേതൃത്വത്തെ തൃപ്തിപ്പെടുത്താനാണെന്ന് സുധാകരൻ കുറ്റപ്പെടുത്തി.

ലോക്സഭാ തിരഞ്ഞെടുപ്പിൽ സിപിഐഎം അണികളുടെയും അനുഭാവികളുടെയും വോട്ടുകൾ ബിജെപിയിലേക്ക് വ്യാപകമായി പോയെന്ന ബോധ്യത്തിൽ നിന്നാണ് ഇപ്പോൾ പുതിയ അടവ് നയം സിപിഐഎം പയറ്റുന്നതെന്നും അദ്ദേഹം പറഞ്ഞു. സിപിഐഎമ്മിന്റെ പ്രഖ്യാപിത അജണ്ട ആർഎസ്എസിനേക്കാൾ വലിയ ഹൈന്ദവവത്കരണമാണെന്നും അതിന്റെ ഭാഗമാണ് ഇത്രയും നാൾ നല്ല ബന്ധത്തിലായിരുന്ന മുസ്ലീം സംഘടനകളെ പെട്ടെന്ന് തള്ളിപ്പറയുന്നതെന്നും സുധാകരൻ ആരോപിച്ചു.

മുഖ്യമന്ത്രി മലപ്പുറം ജില്ലയെ കുറിച്ച് നടത്തിയ പരാമർശം മതവികാരം ഇളക്കിവിടാനുള്ള ബോധപൂർവ്വ ശ്രമമാണെന്നും അദ്ദേഹം കുറ്റപ്പെടുത്തി. ബിജെപി സഖ്യത്തിലുള്ള അജിത് പവാറിന്റെ എൻസിപിയിലേക്ക് എൽഡിഎഫിലെ രണ്ട് എംഎൽഎമാരെ ചേർക്കാൻ ഇടതുമുന്നണിയിലെ എംഎൽഎ ശതകോടികൾ വാഗ്ദാനം ചെയ്തവിവരം അറിഞ്ഞിട്ടും മുഖ്യമന്ത്രി നടപടി സ്വീകരിക്കാത്തതും സിപിഎമ്മിലെ പുതിയ സംഘപരിവാർ സ്വാധീനത്തിന്റെ ഭാഗമാണെന്നും സുധാകരൻ ആരോപിച്ചു.

തൃശൂരിൽ വീണ്ടും തിരഞ്ഞെടുപ്പ് നടത്തണം; സുരേഷ് ഗോപി രാജി വെക്കണം: മന്ത്രി വി. ശിവൻകുട്ടി

Story Highlights: KPCC President K Sudhakaran accuses CPM of strengthening ties with RSS, criticizes CM’s stance on minority organizations

എം.വി. ഗോവിന്ദന്റെ മകനെതിരായ പരാതിയില് സി.പി.ഐ.എം പ്രതിരോധത്തിലോക്ക് ?