K Muraleedharan slams Speaker AN Shamseer over RSS remarks

കോൺഗ്രസ് നേതാവ് കെ മുരളീധരൻ സ്പീക്കർ എ എൻ ഷംസീറിനെ ആർഎസ്എസ് പരാമർശത്തിൽ കടുത്ത ഭാഷയിൽ വിമർശിച്ചു. സ്പീക്കർ ആർഎസ്എസിന് മംഗളപത്രം നൽകിയെന്നും, ഇത് അടുത്ത നിയമസഭാ തെരഞ്ഞെടുപ്പിൽ സിപിഐഎം-ബിജെപി സഖ്യത്തിന്റെ സൂചനയാണെന്നും അദ്ദേഹം ആരോപിച്ചു.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

എൽഡിഎഫിൽ തുടരണോ എന്ന് സിപിഐ ആലോചിക്കണമെന്നും മുരളീധരൻ അഭിപ്രായപ്പെട്ടു. പിണറായി വിജയനും ബിജെപിയും തമ്മിലുള്ള അന്തർധാരയുടെ ഭാഗമാണ് സ്പീക്കറുടെ പ്രസ്താവനയെന്ന് മുരളീധരൻ കുറ്റപ്പെടുത്തി.

അജിത് കുമാർ കഴിഞ്ഞവർഷം ബിജെപി നേതാക്കളെ കണ്ടതുമുതൽ തുടങ്ങിയ ‘വിശുദ്ധ കൂട്ടുകെട്ടി’ന്റെ ക്ലൈമാക്സാണിതെന്നും അദ്ദേഹം പറഞ്ഞു. സ്പീക്കറുടെ നിലപാടിൽ ആർഎസ്എസുകാർ പോലും അത്ഭുതപ്പെട്ടിട്ടുണ്ടാവുമെന്നും അദ്ദേഹം കൂട്ടിച്ചേർത്തു.

തൃശൂർ പൂരം വിവാദത്തിൽ ജുഡീഷ്യൽ അന്വേഷണം ആവശ്യപ്പെട്ട് മുഖ്യമന്ത്രിക്ക് കത്ത് നൽകിയതായി മുരളീധരൻ വെളിപ്പെടുത്തി. എന്നാൽ, അന്വേഷണം നടന്നാൽ മുഖ്യമന്ത്രി ഒന്നാം പ്രതിയാകുമെന്നതിനാൽ നടപടി പ്രതീക്ഷിക്കുന്നില്ലെന്നും അദ്ദേഹം കൂട്ടിച്ചേർത്തു.

രാഹുൽ മാങ്കൂട്ടത്തിലിനെതിരായ ആരോപണം: കോൺഗ്രസിൽ ഭിന്നത രൂക്ഷം

സ്പീക്കറുടെ പ്രസ്താവനയിൽ ശക്തമായി പ്രതികരിക്കാനുള്ള ഉത്തരവാദിത്തം സിപിഐക്കുണ്ടെന്നും, എൽഡിഎഫിൽ തുടരണോയെന്ന് സിപിഐ ആലോചിക്കേണ്ട സമയമാണിതെന്നും മുരളീധരൻ അഭിപ്രായപ്പെട്ടു.

Story Highlights: K Muraleedharan criticizes Speaker AN Shamseer for RSS remarks, alleges CPM-BJP alliance

കെ.ടി. ജലീലിന് മനോനില തെറ്റി, ചികിത്സ നൽകണം; യൂത്ത് ലീഗ്