K Muraleedharan Criticizes Congress Leadership, Calls for Unity

കോൺഗ്രസ് നേതൃത്വത്തിനെതിരെ കെ മുരളീധരൻ രൂക്ഷ വിമർശനം ഉന്നയിച്ചു. കോഴിക്കോട് വെള്ളയിൽ നടന്ന ഉമ്മൻചാണ്ടി അനുസ്മരണത്തിൽ സംസാരിക്കുകയായിരുന്നു അദ്ദേഹം. തൃശൂരിലെ തെരഞ്ഞെടുപ്പ് തോൽവിയെ കുറിച്ച് പരാമർശിച്ച മുരളീധരൻ, നേതാക്കളുണ്ടെങ്കിലും കൂട്ടായ പ്രവർത്തനമില്ലെന്ന് ചൂണ്ടിക്കാട്ടി.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

ഇപ്പോൾ ഒരുമിച്ച് നിൽക്കേണ്ട സമയമാണെന്നും അദ്ദേഹം അഭിപ്രായപ്പെട്ടു. ഉമ്മൻ ചാണ്ടിയുടെ കാലത്ത് പൊതുയോഗങ്ങൾക്ക് ഇവിടുത്തെ നേതാക്കൾ മതിയായിരുന്നുവെന്നും, എന്നാൽ ഇപ്പോൾ രാഹുൽ ഗാന്ധിയോ പ്രിയങ്ക ഗാന്ധിയോ വേണമെന്ന സ്ഥിതിയാണെന്നും മുരളീധരൻ പറഞ്ഞു. മുൻകാലങ്ങളിൽ കെ കരുണാകരൻ, എ.

കെ. ആന്റണി, ഉമ്മൻചാണ്ടി തുടങ്ങിയവർ മതിയാകുമായിരുന്നുവെന്നും അദ്ദേഹം ഓർമിപ്പിച്ചു. തെരഞ്ഞെടുപ്പിനെ ഒറ്റക്കെട്ടായി നേരിടുന്ന രീതിയും ഇന്ന് കോൺഗ്രസിലില്ലെന്ന് മുരളീധരൻ കൂട്ടിച്ചേർത്തു.

സംസ്ഥാനത്തെ രാഷ്ട്രീയ സാഹചര്യത്തെക്കുറിച്ചും മുരളീധരൻ അഭിപ്രായം പറഞ്ഞു. പിണറായി വിജയനെതിരെ ഭരണ വിരുദ്ധ വികാരം ഉണ്ടെന്ന് കരുതി ഇരിക്കരുതെന്നും, പണിയെടുത്താലേ ഭരണം കിട്ടൂ എന്നും അദ്ദേഹം ഓർമിപ്പിച്ചു. സംസ്ഥാനത്ത് നിലവിൽ ബിജെപി – സിപിഐഎം ധാരണ ഒരുപാട് സ്ഥലത്തുണ്ടെന്നും, പാലക്കാട് ഉപതെരഞ്ഞെടുപ്പ് കഴിയുമ്പോൾ അതിന്റെ സത്യം അറിയാമെന്നും മുരളീധരൻ കൂട്ടിച്ചേർത്തു.

രാജി സമ്മർദ്ദങ്ങൾക്കിടെ രാഹുൽ മാങ്കൂട്ടത്തിൽ പാലക്കാട്ടെ നേതാക്കളുമായി കൂടിക്കാഴ്ച നടത്തി

Story Highlights: K Muraleedharan criticizes Congress leadership, calls for unity and hard work

രാഹുൽ മാങ്കൂട്ടത്തിലിനോട് രാജി ആവശ്യപ്പെട്ട് കെപിസിസി