Kerala Minister Praises P K Sasi Amid Fund Misappropriation Allegations

കെടിഡിസി ചെയർമാൻ സ്ഥാനം രാജിവയ്ക്കില്ലെന്ന് സിപിഐഎം നേതാവ് പി കെ ശശി പ്രതികരിച്ചു. രാജി വയ്ക്കാനല്ല, ചെയർമാൻ സ്ഥാനത്ത് ഇരിക്കാനാണ് പാർട്ടി പറഞ്ഞതെന്ന് അദ്ദേഹം മാധ്യമങ്ങളോട് വ്യക്തമാക്കി.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

കെടിഡിസിയുമായി ബന്ധപ്പെട്ട ചില കാര്യങ്ങൾ ചെയ്യാൻ വേണ്ടിയാണ് തിരുവനന്തപുരത്ത് വന്നതെന്നും, ബാക്കിയെല്ലാം കൽപ്പിത കഥകളാണെന്നും ശശി പറഞ്ഞു. ഈ സാഹചര്യത്തിൽ, ഗതാഗതമന്ത്രി കെ ബി ഗണേഷ്കുമാർ പി കെ ശശിയെ പുകഴ്ത്തി രംഗത്തെത്തി.

ഫണ്ട് തിരിമറി ആരോപണത്തിൽ ഉൾപ്പെട്ട ശശിയെ കുറിച്ച് സംസാരിക്കവേ, അദ്ദേഹം കണ്ട വളരെ നല്ല മനുഷ്യരിൽ ഒരാളാണ് പികെ ശശി എന്ന് മന്ത്രി പറഞ്ഞു. മികച്ച ജനപ്രതിനിധിയും നല്ല മനുഷ്യനുമാണ് ശശിയെന്നും, അദ്ദേഹത്തെ തകർക്കാൻ ശ്രമിക്കുന്നവർ ഒരു നല്ല വിദ്യാഭ്യാസ സ്ഥാപനത്തെക്കൂടിയാണ് തകർക്കുന്നതെന്ന് ഓർക്കണമെന്നും ഗണേഷ്കുമാർ കൂട്ടിച്ചേർത്തു.

താനും ഇതുപോലെ ഒരുപാട് ആരോപണങ്ങൾക്ക് ഇരയായിട്ടുണ്ടെന്ന് മന്ത്രി വെളിപ്പെടുത്തി. കള്ളനെയും പിടിച്ചുപറിക്കാരനെയും ആർക്കും വേണ്ട, നല്ലത് ചെയ്യുന്നവനെ കുറ്റക്കാരനാക്കുന്നുവെന്നും അദ്ദേഹം പറഞ്ഞു.

സിപിഐഎം പൂണിത്തുറ ലോക്കൽ കമ്മിറ്റി പുനഃസംഘടിപ്പിച്ചു; സി കെ മണി ശങ്കർ സെക്രട്ടറിയാകും

അതേസമയം, പാർട്ടി നടപടി വിശദീകരിക്കേണ്ട ബാധ്യതയില്ലെന്നും, പാര്ട്ടി വിഷയം മാധ്യമങ്ങളുമായി ചര്ച്ച ചെയ്യാനില്ലെന്നും പി കെ ശശി വ്യക്തമാക്കി. തനിക്കെതിരെ പാർട്ടി നടപടി ഉണ്ടോ ഇല്ലയോ എന്ന് ഉത്തരവാദിത്തപ്പെട്ടവർ പറയുമെന്നും, പുറത്ത് വരുന്ന വാര്ത്തയുടെ അച്ഛന് ആരാണെന്ന് കണ്ടെത്തണമെന്നും അദ്ദേഹം കൂട്ടിച്ചേർത്തു.

Story Highlights: Kerala Transport Minister K B Ganesh Kumar praises CPI(M) leader P K Sasi amid fund misappropriation allegations

എം.വി. ഗോവിന്ദന്റെ മകനെതിരായ പരാതിയില് സി.പി.ഐ.എം പ്രതിരോധത്തിലോക്ക് ?