Hema Committee Report Exposes Sexual Exploitation in Malayalam Cinema

മലയാള സിനിമാ മേഖലയിലെ സ്ത്രീകൾ നേരിടുന്ന ചൂഷണങ്ങൾ വെളിച്ചത്തു കൊണ്ടുവന്ന് ഹേമ കമ്മിറ്റി റിപ്പോർട്ട്. മലയാള സിനിമയിലെ ഉന്നത സ്ഥാനങ്ങളിലുള്ളവർ വേട്ടക്കാരാണെന്നും പല വിഗ്രഹങ്ങളും തകരുമെന്നും റിപ്പോർട്ടിൽ പറയുന്നു. ജൂനിയർ ആർട്ടിസ്റ്റുകൾക്കും ലൈംഗിക പീഡനം നേരിടേണ്ടി വരുന്നുണ്ടെന്നും, ശരീരം പ്രദർശിപ്പിക്കുന്ന രംഗങ്ങൾ ചിത്രീകരിക്കാൻ നിർബന്ധിക്കുന്നുവെന്നും റിപ്പോർട്ടിൽ വെളിപ്പെടുത്തുന്നു.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

സിനിമാ താരങ്ങളിൽ പലർക്കും ഇരട്ടമുഖമാണെന്നും അഡ്ജസ്റ്റ്മെന്റും കോംപ്രമൈസും സ്ഥിരം വാക്കുകളായി മാറിയെന്നും റിപ്പോർട്ട് ചൂണ്ടിക്കാട്ടുന്നു. സ്ത്രീകളെ ലൈംഗികമായി ചൂഷണം ചെയ്യാൻ വേണ്ടി മാത്രം ചിലർ സിനിമാ മേഖലയിൽ പ്രവർത്തിക്കുന്നുവെന്ന് കമ്മിറ്റി കണ്ടെത്തി. ഓൺലൈൻ ആക്രമണങ്ങളെക്കുറിച്ചും റിപ്പോർട്ടിൽ പരാമർശിക്കുന്നു.

ജൂനിയർ ആർട്ടിസ്റ്റുകൾക്കായി വിളിക്കുന്ന പെൺകുട്ടികൾക്കായി വാട്ട്സാപ്പ് ഗ്രൂപ്പ് ഉണ്ടെന്നും ഇരയാക്കപ്പെട്ടവരുടെ മൊഴികളിൽ പലതും ഞെട്ടിക്കുന്നതാണെന്നും റിപ്പോർട്ടിൽ വ്യക്തമാക്കുന്നു. ലൊക്കേഷനുകളിൽ സുരക്ഷിതമായി വസ്ത്രം മാറാനുള്ള സൗകര്യം പോലും ഇല്ലെന്നും, ടോയ്ലറ്റ് സംവിധാനങ്ങൾ ഇല്ലെന്നും റിപ്പോർട്ടിൽ പറയുന്നു. സിനിമയിലെ യുവതാരങ്ങളിൽ പലരും സ്ഥിരം ലഹരി ഉപയോഗിക്കുന്നവരാണെന്ന് കമ്മിറ്റി കണ്ടെത്തി.

എസ്കെഎൻ 40 കേരള യാത്ര: എറണാകുളത്ത് രണ്ടാം ദിന പര്യടനം

സെറ്റിൽ ഭക്ഷണവും വെള്ളവും നിഷേധിച്ചെന്നും പട്ടിണിക്കിട്ടും പീഡനം ഉണ്ടാകുന്നുവെന്നും റിപ്പോർട്ടിൽ വ്യക്തമാക്കുന്നു. മൊഴി നൽകാൻ ഇരകൾക്ക് കൊടും ഭീതിയുണ്ടെന്നും, വിവരം പുറത്തറിഞ്ഞാൽ കുടുംബം തകർക്കുമെന്നും, ബന്ധുക്കൾ വരെ അപകടത്തിലാകുമെന്നും റിപ്പോർട്ട് വെളിപ്പെടുത്തുന്നു. സിനിമാ മേഖലയിലേത് ലൈംഗിക ചൂഷണത്തിന്റെ പാരമ്യമാണെന്ന് ഹേമ കമ്മിറ്റി റിപ്പോർട്ട് അവസാനിപ്പിക്കുന്നു.

Story Highlights: Hema Committee report reveals sexual exploitation of women in Malayalam film industry, including junior artists

മുടി സംബന്ധിച്ച പരാമർശം ലൈംഗികാതിക്രമമല്ല: ബോംബെ ഹൈക്കോടതി