ഓടികൊണ്ടിരുന്ന ബൈക്കിന് മുകളിൽ മരം കടപുഴകി വീണ് മാധ്യമ പ്രവർത്തകനായ ജന്മഭൂമി അടൂർ ലേഖകകൻ രാധാകൃഷ്ണ കുറുപ്പ് മരിച്ചു.
ഞായറാഴ്ച ജോലി കഴിഞ്ഞ് അടൂരിൽ നിന്നും വീട്ടിലേക്ക് മടങ്ങവെ രാത്രി എട്ടുമണിയോടെ അടൂര്‍ ചെന്നമ്പള്ളി ജംഗ്ഷന്‍ പടിഞ്ഞാറ് വശത്ത് തടിമില്ലിന് സമീപമാണ് അപകടം ഉണ്ടായത്.
രാധാകൃഷ്ണൻ സഞ്ചരിച്ചിരുന്ന ബൈക്കിലേക്ക് റോഡ് അരികിലെ വാകമരം കടപുഴകി വീഴുകയായിരുന്നു.
ബൈക്കില്‍ നിന്നും തെറിച്ചുവീണ രാധകൃഷ്ണന്‍റെ തലയിലെ ഹെല്‍മറ്റ് ഊരിമാറുകയും ഇതേതുടർന്ന് തലയ്ക്ക് ഗുരുതരമായി പരിക്ക് ഏൽക്കുകയും ചെയ്തു.
സംഭവ സമയം സ്ഥലത്ത് കനത്ത മഴയുണ്ടായിരുന്നുവെന്നാണ് വിവരം.തലയ്ക്ക് ഗുരുതരമായ ക്ഷതമേറ്റ രാധാകൃഷ്ണനെ അടൂരിലെ ജനറല്‍ ആശുപത്രിയിലും തുടന്ന് തിരുവല്ലയിലെ സ്വകാര്യ മെഡിക്കല്‍ കോളേജിലും എത്തിച്ചുവെങ്കിലും ജീവന്‍ രക്ഷിക്കാൻ കഴിഞ്ഞില്ല.
Story highlight : Journalist killed after tree falls on top of bike in Adoor.
