Job layoffs: What skills should be updated in this era?

ജോലി നഷ്ടപ്പെടുന്ന ഈ കാലത്ത് അപ്ഡേറ്റ് ചെയ്യേണ്ടത് എന്ത്?

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

ഈ കാലഘട്ടത്തിൽ, അപ്രതീക്ഷിതമായി ജോലിയിൽ നിന്ന് പിരിച്ചുവിടുന്ന ഇമെയിലുകൾ പലരെയും തേടിയെത്താം. കൂട്ടപ്പിരിച്ചുവിടലുകൾ നേരിട്ടറിയുമ്പോൾ അതിന്റെ ഭീകരത മനസ്സിലാകും. അതിനാൽ, പുതിയ മാറ്റങ്ങൾക്കനുസരിച്ച് നൈപുണ്യങ്ങൾ നേടേണ്ടത് അത്യാവശ്യമാണ്.

ജോലി സ്ഥിരമല്ലെന്ന ചിന്തയാണ് പ്രധാനം. പലരും ഒരു ബിരുദം വെച്ച് ജോലി നേടിയ ശേഷം തുടർന്ന് പുസ്തകങ്ങൾ തുറന്നുപോലും നോക്കാറില്ല. പുതിയ കാര്യങ്ങൾ പഠിക്കാൻ മടിക്കുന്നവർ ഒരുപാട് ശ്രദ്ധിക്കണം. കാരണം, കമ്പ്യൂട്ടർ വന്നപ്പോൾ ജോലി പോകും, ഇൻ്റർനെറ്റ് വന്നപ്പോൾ ജോലി പോകും എന്നൊക്കെ പറഞ്ഞതുപോലെയല്ല കാര്യങ്ങൾ. അതിനാൽത്തന്നെ, കാലത്തിനനുസരിച്ച് മാറേണ്ടത് അത്യാവശ്യമാണ്.

അപ്സ്കില്ലിംഗ് ഉള്ളവർക്ക് മാത്രമേ ഈ കൂട്ടപ്പിരിച്ചുവിടലിനെ അതിജീവിക്കാൻ കഴിയൂ. നിങ്ങളുടെ തൊഴിൽ മേഖലയിലെ ഏറ്റവും പുതിയ സാങ്കേതികവിദ്യകൾ പഠിക്കേണ്ടത് അത്യാവശ്യമാണ്. വൈകുന്നേരങ്ങളിൽ മറ്റ് കാര്യങ്ങളിലേക്ക് തിരിയുന്നതിന് പകരം, പഠനത്തിനായി സമയം കണ്ടെത്തണം. അതിനായി, തൊഴിൽ മേഖലയിൽ വരുന്ന മാറ്റങ്ങൾ ആദ്യം മനസ്സിലാക്കുക.

കമ്പനികൾക്ക് 100 പേർ ചെയ്യേണ്ട ജോലി ഒരു എഐ സോഫ്റ്റ്വെയർ ഉപയോഗിച്ച് എളുപ്പത്തിൽ ചെയ്യാൻ സാധിക്കും. അതിനാൽ, 100 പേർക്ക് ശമ്പളം നൽകി വലിയ കെട്ടിടങ്ങളും മറ്റ് സൗകര്യങ്ങളും ഒരുക്കേണ്ടതില്ലെന്ന് കമ്പനികൾ കരുതുന്നു. ഇത് വഴി ഓഫീസിലെ പല സ്വഭാവമുള്ളവരെ മാനേജ് ചെയ്യേണ്ട തലവേദന ഒഴിവാക്കാം.

പുനർവിന്യസിക്കാൻ സാധിക്കാത്ത മിഡിൽ സീനിയർ ലെവൽ ജീവനക്കാരെ പിരിച്ചുവിടാൻ ഐടി കമ്പനികൾ തീരുമാനിച്ചിട്ടുണ്ട്. നവീന സാങ്കേതികവിദ്യകൾക്ക് പ്രാധാന്യം നൽകി നേട്ടമുണ്ടാക്കാനും കമ്പനിക്കാവശ്യമുള്ള നൈപുണ്യമുള്ളവരെ മാത്രം നിലനിർത്താനും എഐയുടെ ഉപയോഗം വർദ്ധിപ്പിക്കാനും തീരുമാനിച്ചിട്ടുണ്ട്. ഇത് ഐടി കമ്പനികളെ മാത്രം ബാധിക്കുന്ന ഒരു രോഗമല്ലെന്നും താമസിയാതെ എല്ലായിടത്തേക്കും ഇത് പടരുമെന്നും വിദഗ്ധർ പറയുന്നു.

അതിനാൽ, ലഭ്യമായ സമയം കൊണ്ട് കഴിവുകളും അറിവുകളും വർദ്ധിപ്പിക്കുക മാത്രമാണ് ഇതിനുള്ള പരിഹാരം. കൂട്ടപ്പിരിച്ചുവിടലിനായുള്ള നിർദ്ദേശം വരുമ്പോൾ എച്ച്ആർ വിഭാഗം ആരെ ആദ്യം പറഞ്ഞുവിടണമെന്ന് ചിന്തിക്കുമ്പോൾ കാലഹരണപ്പെട്ടവരെ ആദ്യം ഒഴിവാക്കും. പ്രായമോ പരിചയമോ അതിനെ ബാധിക്കില്ല. ബിൽ ഗേറ്റ്സ് പറഞ്ഞതുപോലെ ആരോഗ്യ മേഖലയിലും ക്രിയേറ്റിവിറ്റി ആവശ്യമുള്ള ചുരുക്കം ചില മേഖലകളിലുമൊഴികെ എല്ലാ മേഖലകളിലും എഐയുടെ കടന്നുവരവുണ്ടാകും.

Story Highlights : Is AI behind IT company layoffs?

കൊതുകുശല്യം തടയാൻ എഐ; ആന്ധ്രാപ്രദേശ് സർക്കാരിന്റെ പുതിയ പദ്ധതി