CBI Chargesheet Reveals ISRO Espionage Case as Fabricated

ഐഎസ്ആർഒ ചാരക്കേസ് കെട്ടിച്ചമച്ചതാണെന്ന് സിബിഐ കുറ്റപത്രത്തിൽ വ്യക്തമാക്കുന്നു. സിഐ ആയിരുന്ന എസ് വിജയന്റെ സൃഷ്ടിയാണ് ഈ കേസെന്നും, മറിയം റഷീദിനെ ഹോട്ടലിൽ വച്ച് കടന്നുപിടിക്കാൻ ശ്രമിച്ചപ്പോൾ അവർ തടഞ്ഞതാണ് വിരോധത്തിന് കാരണമെന്നും സിബിഐ ചൂണ്ടിക്കാട്ടുന്നു. ആദ്യം അറസ്റ്റ് നടത്തിയ ശേഷം ദിവസങ്ගൾ കഴിഞ്ഞാണ് ചാരക്കേസ് രജിസ്റ്റർ ചെയ്തത്.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

കോടതി വീണ്ടും കസ്റ്റഡിയിൽ നൽകാതിരുന്നതിനെ തുടർന്നാണ് ഇത് സംഭവിച്ചത്. മറിയം റഷീദ് അറസ്റ്റിലായതിന്റെ പിറ്റേദിവസം മുതൽ വാർത്തകൾ പ്രചരിച്ചു തുടങ്ങി. ചാരക്കേസ് വാർത്തകൾ ചോർത്തി നൽകിയത് എസ് വിജയനാണെന്ന് മുതിർന്ന മാധ്യമപ്രവർത്തകരുടെ മൊഴി കുറ്റപത്രത്തിൽ ഉൾപ്പെടുത്തിയിട്ടുണ്ട്.

നമ്പി നാരായണൻ പോലീസ് കസ്റ്റഡിയിൽ മർദനമേറ്റെന്ന ഡോക്ടറുടെ മൊഴിയും കുറ്റപത്രത്തിൽ പരാമർശിച്ചിട്ടുണ്ട്. നമ്പി നാരായണൻ മൃതപ്രായനായെന്നും, കൂടുതൽ മർദിച്ചാൽ മരിച്ചുപോകുമെന്നും താൻ പോലീസിന് മുന്നറിയിപ്പ് നൽകിയെന്ന് ഡോ. സുകുമാരൻ മൊഴി നൽകി.

അവശനായ നമ്പിക്ക് ചികിത്സ വേണമെന്ന് പറഞ്ഞത് ജോഷ്വയാണെന്ന് റിട്ട. എസ്പി ബേബി ചാൾസിന്റെ മൊഴിയും കുറ്റപത്രത്തിലുണ്ട്. എച്ച്എല്ലിന്റെ ഗസ്റ്റ്ഹൗസിൽ പോലീസ് കസ്റ്റഡിയിലിരിക്കെ നമ്പിയെ ഐബിയും ചോദ്യം ചെയ്തു എന്നതടക്കമുള്ള വിവരങ്ങളും സിബിഐ കുറ്റപത്രത്തിൽ ഉൾപ്പെടുത്തിയിട്ടുണ്ട്.

മുസ്ലിങ്ങൾ സുരക്ഷിതരാകണമെങ്കിൽ ഹിന്ദുക്കൾ സുരക്ഷിതരാകണം: യോഗി ആദിത്യനാഥ്

വാളയാർ കേസ്: മാതാപിതാക്കളുടെ അറസ്റ്റ് ഹൈക്കോടതി തടഞ്ഞു