ഇന്ത്യൻ പ്രീമിയർ ലീഗ് ക്രിക്കറ്റ് ടൂർണമെന്റ് 2022 സീസൺ ഏപ്രിൽ രണ്ടിന് തുടക്കം കുറിക്കും.
ക്രിക് ബസ് പുറത്തുവിട്ട റിപ്പോർട്ടിന്റെ അടിസ്ഥാനത്തിൽ ഉദ്ഘാടന മത്സരത്തിനായി ചെന്നൈ ആയിരിക്കും വേദിയാവുക.
പത്ത് ടീമുകളാണ് ഇത്തവണ ഐ.പി.എല്ലിൽ അണിനിരക്കുന്നത്.അഹമ്മദാബാദ്, ലഖ്നൗ എന്നീ നഗരങ്ങളിൽ നിന്നുമാണ് പുതിയ രണ്ട് ടീമുകൾ.
ആയതിനാൽ മത്സരങ്ങളുടെയും മത്സരം നീളുന്ന ദിവസങ്ങളുടെയും എണ്ണം കൂടിയേക്കും.
നിലവിലെ സാഹചര്യത്തിൽ അറുപതിലധികം ദിവസങ്ങൾക്കൊണ്ട് മാത്രമേ ടൂർണമെന്റ് പൂർത്തിയാക്കാനാകൂ എന്നാണ് റിപ്പോർട്ട്‌.
ആയതിനാൽ ജൂൺ ആദ്യവാരമായിരിക്കും ഫൈനൽ മത്സരങ്ങൾ നടക്കുക.2022 ഐ.പി.എൽ ഇന്ത്യയിൽ തന്നെ അരങ്ങേറുമെന്ന് ബി.സി.സി.ഐ സെക്രട്ടറി ജയ് ഷാ അറിയിച്ചിട്ടുണ്ട്.
കഴിഞ്ഞ സീസൺ ഇന്ത്യയിൽ വെച്ച് ആരംഭിച്ചെങ്കിലും കോവിഡ് പ്രതിസന്ധിയെ തുടർന്ന് പിന്നീട് യു.എ.ഇയിൽ വെച്ചാണ് മത്സരങ്ങൾ പൂർത്തീകരിച്ചത്.
Story highlight : IPL 2022 will Begin on April 2 in Chennai
